Til að styrkja starfsemi faggildingar á Íslandi og til að skapa samráðsvettvang með helstu haghöfum hefur atvinnuvega- og nýsköpunarráðuneytið ákveðið að setja á fót ráðgefandi faggildingarráð. Ráðið er skipað fulltrúum helstu haghafa sem hafa sérþekkingu á málefnum faggildingar.
Faggildingarráð mun m.a. hafa það hlutverk að gera tillögur að stefnumótun um starfsemi faggildingar, veita faggildingarsviði Einkaleyfastofu faglega ráðgjöf um málefni faggildingar og vera ráðuneytinu og faggildingarsviði Einkaleyfastofu til ráðgjafar og aðstoðar við undirbúning að jafningjamati á grundvelli reglugerðar (ESB) nr. 765/2008.
Sæti í ráðinu eiga:
- Ágúst Þór Jónsson, skipaður formaður án tilnefningar
- Ágúst Ágústsson, tilnefndur af Vinnueftirlitinu
- Árni H. Kristinsson, tilnefndur af hagsmunahópi faggiltra aðila innan SVÞ
- Benedikt Sveinbjörn Benediktsson, tilefndur af SVÞ
- Björg Ásta Þórðardóttir, tilnefnd af Samtökum atvinnulífsins
- Dóra S. Gunnarsdóttir, tilnefnd af Matvælastofnun
- Elva Rakel Jónsdóttir, tilnefnd af Umhverfisstofnun
- Leifur Gústafsson, tilnefndur af Samgöngustofu
- Sigríður Jónsdóttir, tilnefnd af heilbrigðisráðherra
- Sigurður Másson, tilnefndur af Neytendasamtökunum