Þann 12. júní sl. voru á Alþingi samþykkt lög um Kríu - sprota- og nýsköpunarsjóð, nr. 65/2020. Kría er sjálfstæður sjóður í eigu ríkisins sem hefur það hlutverk að fjárfesta í sérhæfðum sjóðum sem hafa þann tilgang að fjárfesta í sprota- og nýsköpunarfyrirtækjum. Samkvæmt 4. gr. laganna skipar ferðamála-, iðnaðar- og nýsköpunarráðherra stjórn Kríu til fjögurra ára í senn. Einn skal skipaður samkvæmt tilnefningu forsætisráðherra, annar samkvæmt tilnefningu þess ráðherra sem fer með fjárreiður ríkisins og þrír án tilnefningar og skal einn þeirra skipaður formaður. Samkvæmt sömu grein skulu stjórnarmenn hafa haldgóða þekkingu á fjárfestingarstarfsemi og/eða rekstri sprota- og nýsköpunarfyrirtækja. Verkefnum stjórnar er nánar lýst í 2. mgr. 4. gr. laganna.
Stjórnin er þannig skipuð:
- Kristinn Árni Lár Hróbjartsson, formaður,
- Eva Halldórsdóttir, tilnefnd af fjármála- og efnahagsráðherra,
- Hildur Sverrisdóttir, án tilnefningar,
- Ari Helgason, án tilnefningar,
- Pétur Már Halldórsson, tilnefndur af forsætisráðherra.