Áfrýjunarnefnd hugverkaréttinda á sviði iðnaðar er skipuð á grundvelli laga um einkaleyfi, nr. 17/1991, laga um vörumerki, nr. 45/1997 og laga um hönnun, nr. 46/2001. Nefndin úrskurðar í ágreiningsmálum m.a. varðandi einkaleyfi, vörumerki og hönnunarvernd. Um nefndina gildir reglugerð nr. 275/2008 (https://www.reglugerd.is/reglugerdir/allar/nr/275-2008 ).
Áfrýjunarfrestir og áfrýjunargjald
Áfrýjun skal leggja fram innan lögboðins frests sem eru 2 mánuðir frá þeim degi er ákvörðun var tekin. Innan sama frests skal greiða áfrýjunargjald á grundvelli reglugerðar um gjöld fyrir einkaleyfi, vörumerki, hönnun o.fl., nr. 1050/2020 (https://www.stjornartidindi.is/Advert.aspx?RecordID=0fc6605a-a196-497c-9174-c24d2a7682d0 ). Gjald fyrir áfrýjun eru 85.000 kr.
Gjaldið skal greitt til atvinnuvega- og nýsköpunarráðuneytisins og staðfesting greiðslu send ráðuneytinu rafrænt á netfangið [email protected] Berist greiðsla ekki innan áfrýjunarfrests skal vísa áfrýjuninni frá.
Greiðsluupplýsingar ráðuneytisins eru:
Atvinnuvega- og nýsköpunarráðuneytið
Kt. 710812-0120
Reikningsnúmer:0101-26-010720
Málsmeðferð hjá nefndinni er almennt rafræn.
Áfrýjandi getur fyllt út rafrænt eyðublað á minarsidur.stjr.is (https://minarsidur.stjr.is/web/index.html)
Úrskurðir
Áfrýjunarnefnd getur með úrskurði sínum staðfest, breytt eða fellt úr gildi ákvarðanir Hugverkastofunnar. Úrskurðirnir eru endanlegir á stjórnsýslustigi og þeim verður ekki skotið til ráðherra.
Úrskurði nefndarinnar má finna á vefsíðu Hugverkastofunnar (https://www.hugverk.is/tidindi-og-urskurdir/urskurdir )
Skipan nefndarinnar
Skipunartími nefndarinnar eru þrjú ár í senn og er núverandi nefnd er skipuð til ársins 2023.
Formaður nefndarinnar er Selma Hafliðadóttir.
Ritari nefndarinnar er Sóldís Rós Símonardóttir, lögfræðingur, og beina skal samskiptum við nefndina á netfangið [email protected].