Skipuð á grundvelli samnings undirrituðum af sjávarútvegs- og landbúnaðarráðherra þann 17. mars 2016 um markaðsverkefni til kynningar á íslenska hestinum sem ber heitið Horses of Iceland. Samningurinn er byggður á grunni eldri samnings sem var í gildi árið 2015, en þá voru veittar 12 m.kr. til undirbúnings verkefnisins. Í desember 2015 samþykkti Alþingi að veita 25 m.kr. á ári til verkefnisins til fjögurra ára gegn jöfnu mótframlagi einkaaðila. Tilgangur verkefnisins er að stuðla að því að styrkja ímynd íslenska hestins með samhæfðum skilaboðum í markaðsaðgerðum og kynningarstarfi. Um er að ræða markaðssamstarf sem nýtist heildarhagsmunum í uppbyggingu orðspors íslenska hestsins á heimsvísu í þeim tilgangi að leggja grunn að auknum gjaldeyristekjum s.s. með sölu á hestum og vörum og þjónustu því tengdu. Hlutverk verkefnisstjórnar er að bera ábyrgð á framkvæmd aðgerðaráætlunar og að hún fylgi meginmarkmiðum verkefnisins. Hún samþykkir jafnframt verkefnisáætlun sem Íslandsstofa gerir tillögu um. Ákvarðanir skulu afgreiddar með samkomulagi í verkefnisstjórn. Verkefnisstjórn hefur hvorki fjárhagslega umsýslu né gengur til viðskipta í eigin nafni vegna verkefnisins. Íslandsstofa sér um framkvæmd verkefnisins í nánu samstafi við verkefnisstjórn.
Í verkefnisstjórninni eiga sæti:
Kjartan Hreinsson, skipaður formaður án tilnefningar
Arnar Bjarki Sigurðarson, frá Félagi tamningamanna
Bergljót Rist, frá Samtökum ferðaþjónustunnar
Eysteinn Leifsson, frá hrossaútflytjendum
Hallveig Fróðadóttir, frá Félagi hrossabænda
Jóna Dís Bragadóttir, frá Landssambandi hestamannafélaga
Óskar Þór Ármannsson, frá mennta- og menningarmálaráðuneytinu
Rúnar Þór Guðbrandsson, frá Landssambandi hestamannafélaga
Sveinn Ragnarsson, frá háskólunum
Sveinn Samúel Steinarsson, frá Félagi hrossabænda.