Málnefnd um íslenskt táknmál er skipuð skv. ákvæði 7. gr. laga nr. 61/2011 um stöðu íslenskrar tungu og íslensks táknmáls. Við skipun í nefndina var haft samráð við hugvísindasvið Háskóla Íslands, Samskiptamiðstöð heyrnarlausra og heyrnarskertra, hagsmunasamtök heyrnarlausra og heyrnarskertra og Samband íslenskra sveitarfélaga. Hlutverk nefndarinnar er að vera stjórnvöldum til ráðuneytis um hvað eina er varðar íslenskt táknmál og stuðla að eflingu þess og notkunar í íslensku þjóðlífi.
Nefndin er þannig skipuð:
Bryndís Guðmundsóttir, formaður,
Sigríður Sigurjónsdóttir prófessor, varaformaður,
Rannveig Sverrisdóttir lektor,
Heiðdís Dögg Eiríksdóttir formaður Félags heyrnarlausra,
Hjördís Anna Haraldsdóttir kennari.
Varamenn eru:
Júlía G. Hreinsdóttir aðjunkt,
Nedelina Stoyanova Ivanova málfræðingur,
Árný Guðmundsdóttir táknmálstúlkur,
Gunnar Snær Jónsson
Helga Ingibergsdóttir deildarstjóri.