Hoppa yfir valmynd

Starfshópur til að greina núverandi heimildir stofnana og félagasamtaka sem starfa með börnum til að afla upplýsinga úr sakaskrá

Dómsmálaráðuneytið

Dómsmálaráðherra hefur skipað starfshóp, sem hefur það hlutverk að greina núverandi heimildir stofnana og félagasamtaka, sem starfa með börnum, til að afla upplýsinga úr sakaskrá og meta hvort úrbóta sé þörf. Starfshópurinn er skipaður í samræmi við lið B.3 í Þingsályktun um áætlun fyrir árin 2019-2022 um aðgerðir gegn ofbeldi og afleiðingum þess frá 7. júní 2019. Áætlað er niðurstöður hópsins liggi fyrir 1. júní 2020.  

Áhersla er lögð á að starfshópurinn hafi hliðsjón af lögum nr. 90/2018 um persónuvernd og vinnslu persónuupplýsinga við gerð tillagna til úrbóta.

Í starfshópnum eiga sæti auk dómsmálaráðuneytis, fulltrúar frá embætti Ríkissaksóknara, Persónuvernd, mennta- og menningarmálaráðuneyti, Barnaverndarstofu og embætti Ríkislögreglustjóra.

Eftirtaldir aðilar skipa starfshópinn:

Svala Ísfeld Ólafsdóttir, lögfræðingur og jafnframt formaður, skipuð án tilnefningar,
Einar Tryggvason, saksóknari, tilnefndur af embætti Ríkissaksóknara,
Páll Heiðar Halldórsson, lögfræðingur, tilnefndur af Persónuvernd,
Óskar Þór Ármansson, settur skrifstofustjóri, tilnefndur af mennta- og menningarmálaráðuneyti,
Hafdís Una Guðnýjardóttir, lögfræðingur, tilnefnd af Barnaverndarstofu,
Thelma Cl. Þórðardóttir, yfirlögfræðingur, tilnefnd af embætti Ríkislögreglustjóra.

Ekki er greitt sérstaklega fyrir störf í hópnum.

Tímabundnar nefndir
Til baka
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira