Hoppa yfir valmynd
22.03.2020 17:40 Heilbrigðisráðuneytið

Frestun valkvæðra skurðaðgerða vegna Covid-19

Heilbrigðisráðherra  hefur fallist á erindi landlæknis og staðfest fyrirmæli embættisins um að öllum valkvæðum skurðaðgerðum og öðrum ífarandi aðgerðum, t.d. greiningarrannsóknum verði hætt frá 23. mars til 31. maí næstkomandi. Á þetta við hvort sem um ræðir aðgerðir framkvæmdar innan eða utan spítala, af opinberum aðila eða einkaaðila. Fyrirmælin verða birt í Stjórnartíðindum.

Á meðan faraldur COVID-19 geisar er brýnt að endurskipuleggja heilbrigðisþjónustu þannig að unnt sé að sinna sjúklingum með COVID-19 jafnframt því að veita aðra nauðsynlega heilbrigðisþjónustu. Framangreind ákvörðun er tekin í í þessu ljósi. Er þá annars vegar horft til þess að draga úr smithættu og hins vegar að afstýra hugsanlegum sjúkrahúsinnlögnum sem geta fylgt sumum þessara aðgerða sem ákveðið hefur verið að fresta.

Landlæknir hefur rætt efni fyrirmælanna við forsvarsmenn Læknafélags Íslands, Læknafélags Reykjavíkur, Landspítala, Sjúkratrygginga Íslands og aðrar heilbrigðisstofnanir sem eru þeim samþykk. Heilbrigðisstarfsfólk sem starfað hefur við þær aðgerðir sem nú verður slegið á frest er hvatt til þess að skrá sig í bakvarðasveit heilbrigðisþjónustunnar.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira