Hoppa yfir valmynd
8. maí 2020 Innviðaráðuneytið

Öllum leigubifreiðastjórum gert kleift að leggja inn atvinnuleyfi sitt

Leigubifreiðastjórar sem hafa haft atvinnuleyfi skemur en tvö ár munu fá heimild að leggja inn atvinnuleyfi sitt tímabundið samkvæmt nýju frumvarpi sem Sigurður Ingi Jóhannsson, samgöngu- og sveitarstjórnarráðherra, hefur lagt fram á Alþingi til breytinga á lögum um leigubifreiðar. 

Í gildandi lögum um leigubifreiðar frá 2001 hafa leigubifreiðastjórar heimild til að leggja inn atvinnuleyfi sitt tímabundið en skilyrði er að þeir hafi haft atvinnuleyfi í minnst tvö ár samfleytt. 

Markmið frumvarpsins er að draga úr neikvæðum efnahagslegum áhrifum vegna Covid-19 faraldursins á þann hóp leigubifreiðastjóra sem hafa starfað skemur en tvö ár. Með því að leggja inn leyfið tímabundið geta leigubílstjórar sparað kostnað vegna atvinnuleyfisins, skráð sig atvinnulausa á meðan áhrifa takmarkana vegna Covid-19 gætir og sótt um atvinnuleysisbætur. Margir bílstjórar sem eiga þess kost hafa þegar nýtt sér það úrræði vegna samdráttar á leigubifreiðamarkaði sökum áhrifa COVID-19 faraldursins.

Lagt er til að nýja ákvæðið gildi til ársloka 2020.

Efnisorð

Var efnið hjálplegt?
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum