Hoppa yfir valmynd
11.05.2020 12:30 Samgöngu- og sveitarstjórnarráðuneytið

Samið að nýju til að tryggja lágmarks millilandaflug og innanlandsflug

Frá Keflavíkurflugvelli. - mynd

Samgöngu- og sveitarstjórnarráðuneytið hefur endurnýjað samning við Icelandair um flug til Evrópu og Bandaríkjanna til og með 16. maí. Markmiðið er sem fyrr að tryggja lágmarks flugsamgöngur til og frá landinu vegna Covid-19 faraldursins. Einnig hefur samkomulag verið endurnýjað við Air Connect Iceland um reglulegt flug til Egilsstaða og Ísafjarðar til og með 19. maí.

Icelandair mun fljúga samtals 11 ferðir (22 flugleggi) til Boston, London og Stokkhólms á tímabilinu. Flugáætlun er með eftirfarandi hætti, með þeim fyrirvara að dagsetningar geta breyst ef þörf krefur:

  • Boston (Logan International – BOS) 7., 9., 14. og 16. maí.
  • London (Heathrow – LHR) 6., 8., 10., 13. og 15. maí.
  • Stokkhólmur (Arlanda – ARN) 9. og 16. maí.

Nýi samningurinn við Icelandair er viðaukasamningur við þann sem gerður var við félagið um miðjan apríl. Ríkið mun greiða að hámarki 139 milljónir kr. vegna samningsins og viðaukans um flug á tímabilinu 15. apríl til 16. maí. Mögulegar tekjur Icelandair af flugunum munu ennfremur lækka greiðslur.

Upphaflega var gert ráð fyrir allt að 100 milljóna kr. greiðslu fyrir fyrsta samninginn sem tók gildi í lok mars. Uppgjör vegna hans reyndist hagstætt og því má búast við því að kostnaður ríkisins vegna samninga við Icelandair frá 27. mars til 16. maí verði að hámarki um 200 milljónir kr.

Samningur um innanlandsflug framlengdur

Samningur var Air Iceland Connect um reglulegar flugsamgöngur til Egilsstaða og Ísafjarðar var framlengdur til 19. maí. Áfram verða farnar verði 3-6 ferðir vikulega milli Reykjavíkur og Egilsstaða en þrjár ferðir á viku milli Reykjavíkur og Ísafjarðar.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira