Hoppa yfir valmynd
29.05.2020 15:49 Fjármála- og efnahagsráðuneytið

Starfshópur tryggir eftirfylgni efnahagsaðgerða vegna heimsfaraldurs kórónuveiru

Samþykkt var á fundi ríkisstjórnarinnar í dag að skipa starfshóp undir formennsku fjármála- og efnahagsráðuneytisins til að tryggja eftirfylgni efnahagsaðgerða vegna heimsfaraldurs kórónuveiru en stjórnvöld hafa brugðist við faraldrinum með víðtækum efnahagsaðgerðum sem fela í sér fyrirgreiðslur til fyrirtækja og starfsfólks þeirra í gegnum vinnumarkaðs-, skatta-, og lánaúrræði, fjárfestingu hins opinbera, stuðning við nýsköpun og fjölbreyttan stuðning á sviði mennta- og félagsmála.

Umfang aðgerðanna hleypur á hundruðum milljarða króna og til þess að hægt sé að fylgjast heildstætt með áhrifum aðgerðanna og hvort þær nái tilætluðum efnahags- og samfélagslegum árangri verður hleypt af stokkunum skipulagðri gagnasöfnun og greiningu. Safnað verður upplýsingum um nýttar fjárhæðir, fjölda þeirra sem fá stuðning og skiptingu þeirra eftir atvinnustarfsemi, landshlutum, kyni og öðrum upplýsingum eftir því sem við á. Einnig verða fjármunir flokkaðir eftir því hvort þeir teljist til fjárfestinga, reksturs eða tilfærslna.

Auk fjármála- og efnahagsráðuneytisins munu fulltrúar félagsmálaráðuneytisins, og mennta- og menningarmálaráðuneytisins taka þátt í vinnunni.


Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira