Hoppa yfir valmynd
19.08.2020 16:30 Mennta- og menningarmálaráðuneytið

Umhyggja, sveigjanleiki og þrautseigja verði leiðarljós í skólastarfi

Aldís Hafsteinsdóttir formaður Sambands íslenskra sveitarfélaga, Lilja Alfreðsdóttir mennta- og menningarmálaráðherra, Fanney Dóróthe Halldórsdóttir formaður Grunns – félags fræðslustjóra og stjórnenda og Ragnar Þór Pétursson formaður Kennarasambands Íslands undirrituðu viljayfirlýsinguna í dag.  - myndGolli
Fulltrúar lykilaðila í starfsemi leik- og grunnskóla undirrituðu í dag sameiginlega yfirlýsingu um leiðarljós skólanna á komandi skólaári. Í yfirlýsingunni er áréttað mikilvægi þess að skólastarf fari fram með eins hefðbundnum hætti og frekast er unnt og réttur allra nemenda til náms sé tryggður.

„Saman munum við gera allt hvað við getum til að tryggja áfram skólastarf þar sem menntun, vellíðan og öryggi nemenda og starfsfólks er í forgangi. Umhyggja, sveigjanleiki og þrautseigja verða leiðarljós þeirrar samvinnu,“ segir m.a. í yfirlýsingunni. Þá segir að aðilar búi að dýrmætri reynslu frá liðnu vori og hafi einsett sér að bregðast hratt við þróun mála, nýjum upplýsingum og aðstæðum hverju sinni. Hugsa í lausnum og tryggja að nemendur hafi viðeigandi aðstöðu og stuðning til að stunda nám sitt. Undirritaðir hvetja samfélagið allt til að leggjast á sveif með skólum landsins og standa vörð um skólastarf, enda sé menntun sé ein af grunnstoðum samfélagsins og eitt brýnasta velferðarmál þjóðarinnar til framtíðar.

„Í vor einkenndist skólastarfið af samstöðu skólafólks, sem náði góðum árangri við fordæmalausar aðstæður. Ég fagna mjög þeim samhug sem er áberandi í upphafi nýs skólaárs og er bjartsýn á farsælt skólastarf, bæði í byrjun skólaársins og í allan vetur. Ég er sannfærð um að samhugur skólafólks mun tryggja menntun og vellíðan barna í skólanum,“ segir Lilja Alfreðsdóttir mennta- og menningarmálaráðherra.

Í aðdraganda skólaársins hefur mennta- og menningarmálaráðuneyti unnið með sóttvarnaryfirvöldum og framkvæmdaaðilum skóla- og frístundastarfs að útfærslum á gildandi sóttvarnarráðstöfunum fyrir mismunandi skólastig. Þær verða sendar út og birtar á vef ráðuneytisins í vikunni.

Efnisorð

Heimsmarkmiðin

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira