Hoppa yfir valmynd
25.08.2020 13:12 Mennta- og menningarmálaráðuneytið

Æfingar listafólks heimilar á ný

Snertingar verða heimilar við æfingar í sviðslistum, tónlist og við kvikmyndatöku frá 28. ágúst nk. samkvæmt nýrri auglýsingu heilbrigðisráðherra um takmörkun á samkomum vegna farsóttar sem birt var í dag. Hámarksfjöldi einstaklinga í sama rými mun áfram miðast við 100 einstaklinga og tveggja metra nándarregla verður áfram meginregla, þótt listamönnum sé heimilt að æfa verk sín á sviði með meiri nálægð og snertingu, sbr. reglur um íþróttaæfingar og -keppnir. Sjá nánar hér.

„Heimild þessi veitir listafólki svigrúm til þess að hefja sínar æfingar að nýju, að uppfylltum sóttvarnarráðstöfunum. Það er gríðarlega mikilvægt fyrir stóran og fjölbreyttan hóp skapandi fólks sem þarf að sinna sínum verkefnum og geta skipulagt menningarstarf næstu mánuðina. Ég er bjartsýn á að listamenn muni nýta þessa heimild til æfinga á ábyrgan hátt. Við erum á réttri leið!“ segir Lilja Alfreðsdóttir mennta- og menningarmálaráðherra.

Unnið verður að leiðbeiningum um starfsemi og sóttvarnarráðstafanir menningarstofnana í samráði við almannavarnardeild ríkislögreglustjóra, embætti landlæknis, heilbrigðiseftirlit og sveitarfélög.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira