Hoppa yfir valmynd
24. mars 2021 Mennta- og menningarmálaráðuneytið

Takmarkanir á íþrótta- og menningarstarfi til og með 15. apríl

Reglur sem takmarka íþrótta-, æskulýðs- og menningarstarf taka gildi á miðnætti, samkvæmt ákvörðun heilbrigðisráðherra. Ákvörðunin er tekin vegna sterkra vísbendinga um aukið COVID-19 samfélagssmit af völdum veiruafbrigðis, sem smitast milli fólks í ríkari mæli en önnur.

Inni- og útiíþróttir verða óheimilar þar sem ekki er hægt að tryggja tveggja metra bil milli fólks eða þar sem hætta er á snertismiti vegna sameiginlegs búnaðar, sundstaðir verða lokaðir sem og líkamsræktarstöðvar. Sviðslistastarf verður óheimilt, bæði æfingar og sýningahald.

Þessar reglur gilda frá 25. mars til og með 15. apríl 2021.

Lilja Alfreðsdóttir mennta- og menningarmálaráðherra:
„Nú skiptir úthaldið mestu máli. Ég veit að margir eru orðnir langþreyttir, en ég er sannfærð um að fólk mun standa saman og ná árangri á allra næstu vikum, svo létta megi á hömlum sem fyrst. Mikilvægi öflugs íþrótta- og menningarstarfs er ótvírætt, en nú er það forgangsatriði að stöðva útbreiðslu veirunnar svo líkami og sál geti fengið viðeigandi næringu sem allra fyrst.“

Sjá nánar í reglugerð heilbrigðisráðherra. 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira