Um sendiskrifstofu
Aðalræðisskrifstofa Íslands í Nuuk var formlega opnuð þann 8. nóvember 2013, þegar Gunnar Bragi Sveinsson, utanríkisráðherra og Aleqa Hammond, þáverandi formaður landstjórnar Grænlands afhjúpuðu skjaldarmerki skrifstofunnar á byggingunni við Hans Egedesvej 9, Nuuk.
Ísland er eina erlenda ríkið sem hefur sendiskrifstofu í Grænlandi en í Nuuk eru einnig starfandi kjörræðismenn fyrir nokkur ríki.
Verkefni skrifstofunnar er að auka samskipti og vináttu á milli nágrannalandanna Grænlands og Íslands, að veita Íslendingum á Grænlandi borgaraþjónustu og að stuðla að aukinni verslun og viðskiptum á milli landanna. Ennfremur að kynna Ísland og íslenska menningu fyrir Grænlendingum.
Aðalræðisskrifstofunni er einnig ætlað að hafa samstarf við grænlensk stjórnvöld á þeim sviðum sem heyra undir sjálfstjórn Grænlands og vinna að sameiginlegum málefnum á sviði norðurslóðasamstarfs og vestnorrænnar samvinnu.
Aðalræðisskrifstofa Íslands í Nuuk
HeimilisfangHans Egedesvej 9
3900, Nuuk
Sími: +299 348 380
Netfang
Afgreiðsla virka daga frá kl. 09:00 - 16:00
Aðalræðisskrifstofa Íslands í NuukFacebook hlekkurAðalræðisskrifstofa Íslands í NuukTwitte hlekkur
Aðalræðismaður Íslands
Þorbjörn Jónsson
MBA og MS í rekstrarhagfræði og alþjóðaviðskiptum.
Starfsferill:
1990-1991 Fulltrúi í utanríkisráðuneytinu
1994 Sendiráðsritari í sendiráði Íslands í París
1995 Varafastafulltrúi Íslands hjá UNESCO
1996 Varafastafulltrúi Íslands hjá OECD
1998 Sendiráðsritari og síðar sendiráðunautur í sendiráði Íslands í Moskvu
2001 Í leyfi frá utanríkisráðuneytinu. Sérfræðingur á alþjóðasviði Seðlabanka Íslands
2003 Ýmis störf í utanríkisráðuneytinu
2006 Fastanefnd Íslands í Genf
2008 Ýmis störf í utanríkisráðuneytinu
2010 Friðargæsluverkefni hjá ISAF í Kabúl í Afganistan
2011 Ýmis störf í utanríkisráðuneytinu
2013 Fastanefnd Íslands gagnvart Atlantshafsbandalaginu
2018 Ýmis störf í utanríkisráðuneytinu
2019 Aðalræðismaður Íslands í Nuuk
Kvæntur Hildi Kristínu Friðleifsdóttur og eiga þau fjóra syni.
