Hoppa yfir valmynd

Frétt

26. febrúar 2019 Sendiráð Íslands í Ottawa

Afhending trúnaðarbréfs í Kosta Ríka

Afhending trúnaðarbréfs í Kosta Ríka - myndUtanríkisráðuneytið

Pétur Ásgeirsson afhenti Carlos Alvarado Quesada, forseta Kosta Ríka, trúnaðarbréf sitt sem sendiherra Íslands þar í landi með aðsetur í Kanada 13. febrúar sl.

Við athöfnina spilaði lítil sinfóníuhljómsveit þjóðsöngva beggja ríkja og sendiherrann átti að afhendingunni lokinni  fund með forsetanum þar sem m.a. var rætt um það sem löndin eiga sameiginlegt og þá möguleika sem eru fyrir hendi um aukin samskipti á milli landanna. Forsetinn hafði sérstakan áhuga á jafnréttismálum, nýtingu jarðhita og fiskveiðum. Í lokin lýsti hann aðdáun sinni á íslenska landsliðinu í fótbolta, sem hann sagði að hefði hrifið alla þjóð sína.

Í ferð sinni til Kosta Ríka hélt sendiherrann einnig fundi m.a. með Manuel Ventura, utanríkisráðherra landsins, Dyalá Jiménez Figueres, utanríkisviðskiptaráðaherra, Victor Morales, þingmanni og formanni eins stjórnarflokkanna og Patricia Villegas, þingkonu.

Kjörræðismaður Íslands í San José, Ricardo Castro Calvo, tók þátt í heimsókninni og sótti alla fundina með sendiherranum. 

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira