Hoppa yfir valmynd
3. desember 2019 Forsætisráðuneytið, Utanríkisráðuneytið

Forsætisráðherra og utanríkisráðherra sækja fund leiðtoga Atlantshafsbandalagsins í London

Fánar aðildarríkja Atlantshafsbandalagsins blöktu við hún á The Mall við Buckingham-höll í Lundúnum í gær  - myndUtanríkisráðuneytið

Katrín Jakobsdóttir, forsætisráðherra, og Guðlaugur Þór Þórðarson, utanríkisráðherra, sækja fund leiðtoga Atlantshafsbandalagsins í Lundúnum sem hefst í dag, þriðjudaginn 3. desember og stendur þar til á morgun, miðvikudaginn 4. desember.

Leiðtogafundurinn er haldinn í tilefni af sjötíu ára afmælisári Atlantshafsbandalagsins. Meginefni fundarins eru breytt öryggisumhverfi, horfur í afvopnunarmálum, aðgerðir gegn hryðjuverkum, fjárframlög til bandalagsins og samskiptin við Rússland.

Forsætisráðherra mun auk þátttöku í fundinum eiga tvíhliða fundi með Pedro Sánchez, forsætisráðherra Spánar, og António Costa, forsætisráðherra Portúgals. Þá flytur forsætisráðherra ræðu í dag um Ísland og velsældarhagkerfið í Chatham House, sem er ein virtasta hugveita heims á sviði alþjóðamála. Síðdegis sækir forsætisráðherra móttöku í Buckingham-höll í boði Bretadrottningar og kvöldverð í Downingstræti 10 í boði breska forsætisráðherrans.

Efnisorð

Var efnið hjálplegt?
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum