Ráðuneytisstjóri á fundi með yfirmanni CTBTO.

Mynd (frá vinstri til hægri): Guðni Bragason fastafulltrúi í Vín, Dr. Lassina Zerbo framkvæmdastjóri CTBTO, Sturla Sigurjónsson ráðuneytisstjóri og Benedikt Ásgeirsson sendiherra Íslands gagnvart Austurríki.

Sturla Sigurjónsson ráðuneytisstjóri átti á mánudag fund með aðalframkvæmdastjóra undirbúningsnefndar Stofnunar samningsins um allsherjarbann við tilraunum um kjarnavopn (CTBTO), dr. Lassina Zerbo. Rætt var um stöðu eftirlitskerfis CTBTO, en reknar eru tvær  eftirlitsstöðvar á Íslandi. Lagði dr. Zerbo m. a. áherslu á mikilvægi eftirlits á staðnum (on-site inspections) og mikilvægi hljóðbylgju verkefna.