Hoppa yfir valmynd

Frétt

22. maí 2020 Sendiráð Íslands í Washington

Utankjörfundaratkvæðagreiðsla vegna forsetakosninga 2020 í Bandaríkjunum

Sendiráðið í Washington vekur athygli á að utankjörfundaratkvæðagreiðsla vegna forsetakosninga 27. júní 2020 hefst þann 25. maí.

Tekið verður á móti kjósendum í Sendiráði Íslands, 2900 K Street NW, 20007 Washington DC, alla þriðjudaga á milli kl. 10:00-15:00. Jafnframt verður opið laugardaginn 30. maí á milli kl. 10:00-12:00 og samkvæmt samkomulagi. Vinsamlega bókið tíma hjá Guðbjörgu með því að senda tölvupóst á netfangið [email protected]. Opið verður fyrir atkvæðagreiðslu fram til 26. júní.

Kjósendur eru hvattir til að koma tímalega á kjörstað í ár, þar sem að kjósendur þurfa eftir sem áður sjálfir að koma sínum atkvæðum á kjörstað á Íslandi og póstsendingar gætu tekið lengri tíma en vant er.

Kjósendur eru beðnir um að framvísa íslenskum persónuskilríkjum með mynd, þ.e. vegabréfi eða ökuskírteini. Athugið að sérstakar ráðstafanir eru gerðar á kjörstað til að minnka hættu á smiti vegna Covid-19 faraldursins.

Allir íslenskir ríkisborgarar sem hafa átt lögheimili erlendis skemur en 8 ár (talið frá 1. desember árið áður en kosningar eru haldnar) eru sjálfkrafa með kosningarétt á Íslandi. Þeir þurfa að vera orðnir 18 ára á kjördag og hafa einhvern tíma átt lögheimili á Íslandi.

Ef vafi leikur á því hvort kjósandi er skráður á kjörskrá á Íslandi, má ganga úr skugga um það í gegnum Þjóðskrá Íslands en einnig er að finna nánari upplýsingar um kosningarnar á heimsíðu Þjóðskrár: https://skra.is/thjonusta/einstaklingar/eg-i-thjodskra/kjorskra-og-kosningarettur/

Þeir sem vilja kjósa á ræðisskrifstofum er bent á að hafa samband beint við ræðismenn til að panta tíma. Sjá lista yfir ræðismenn í Bandaríkjunum.

This is a reminder regarding the Presidential elections 2020 in Iceland. The pre-election starts on May 25 in the Embassy of Iceland in Washington. For more information please contact the Embassy. 

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira