Ísland fordæmir meðferð rússneskra stjórnvalda á Alexei Navalny

Íslensk stjórnvöld fordæma meðferð rússneskra stjórnvalda á stjórnarandstæðingnum Alexei Navalny sem leiddi til andláts hans í síðustu viku. Þá fordæma íslensk stjórnvöld aðför rússneskra stjórnvalda að mannréttindum og frelsi fólks, en fjöldi fólks hefur verið fangelsaður fyrir að hafa opinberlega harmað andlátið og lýst samúð með málstað Navalny.

Saddened to learn of the passing of Alexei Navalny and I offer my sincerest condolences to his family and supporters. Putin and the Russian government bear ultimate responsibility for his death.

— Bjarni Benediktsson (@Bjarni_Ben) February 16, 2024

Forstöðumaður sendiráðs Rússlands í Reykjavík var kallaður í utanríkisráðuneytið í dag þar sem honum var gerð grein fyrir afstöðu Íslands vegna dauða Alexei Navalny. Ísland fordæmir fangelsun og illa meðferð þeirra sem berjast fyrir mannréttindum og frelsi.