Hoppa yfir valmynd

Frétt

14. ágúst 2009 Fjármála- og efnahagsráðuneytið

Ríkisreikningur fyrir árið 2008

Úr Vefriti fjármálaráðuneytisins 13. ágúst 2009 - þú getur gerst áskrifandi að vefritinu.

Ríkisreikningur fyrir árið 2008 var birtur þann 31. júlí sl.

Halli á rekstri ríkissjóðs var 216 ma.kr. sem jafngildir 46% af tekjum hans og 14,7% af VLF, samanborið við 6,8% af VLF afgang árið 2007. Greiðsluþrot viðskiptabankanna þriggja í október hafði mikinn útgjaldaauka í för með sér fyrir ríkissjóð en einnig drógust tekjur saman milli ára. Í árslok 2008 var eigið fé ríkissjóðs neikvætt um 342 ma.kr. en hafði verið jákvætt um tæpa 10 ma.kr. í árslok 2007.

Tekjur ríkissjóðs voru 472 ma.kr. og drógust saman um 2,9% að nafnvirði og 13,6% að raunvirði, eða úr 37,4% í 32,2% af VLF. Allir helstu skattar ríkissjóðs drógust saman að raunvirði; tekjuskattar, fjármagnstekjuskattar og tryggingagjöld þó minnst en eignarskattar og óbeinir skattar meira. Virðisaukaskattur var stærsta tekjulind ríkissjóðs að vanda með um 28% af heildartekjunum. Vaxtatekjur jukust um 17 ma.kr. en arðtekjur og aðrar eignatekjur drógust verulega saman. Óreglulegir liðir eins og eignasala og söluhagnaður skiluðu ríkissjóði litlum tekjum á árinu.

Liðir
2007, ma.kr.
2008, ma.kr.
Breyting
milli ára
ma.kr
Breyting
milli ára
nafn, %
Breyting
milli ára
raun, %
Tekjur
486
472
-14
-2,9
-13,6
Skatttekjur
409
414
5
1,3
-9,9
Eignatekjur
31
43
13
40,9
25,4
Aðrar tekjur
47
15
-32
-68,9
-72,3
Gjöld
398
688
290
73,0
53,9
Rekstrargjöld
211
268
58
27,3
13,3
Tilfærslur
156
187
31
19,7
6,5
Viðhald og stofnkostnaður
25
34
9
36,4
21,3
Fjármagnstilfærslur
6
199
193
.
.
Tekjur umfram gjöld
89
-216
-305
.
.
Lánsfjárjöfnuður
-14
-398
-384
.
.
Eigið fé í árslok
10
-342
-351
.
.

Gjöld ríkissjóðs voru 688 ma.kr. árið 2008, sem er 290 ma.kr. meira en árið 2007 (sjá sundurliðun í töflu). Þannig hækkuðu gjöldin í 47,0% af VLF úr 30,5% af VLF árið 2007. Að nafnvirði jukust gjöldin í heild um 73% en 53,9% að raunvirði.

Í desember 2008 yfirtók ríkissjóður veðlán fjármálafyrirtækja af Seðlabanka Íslands og afskrifaði í kjölfarið umtalsverðan hluta þeirra eða 175 ma.kr. Þá nam afskrift tryggingabréfa aðalmiðlara sem gefin höfðu verið út af viðskiptabönkunum þremur 17 ma.kr. Lífeyrisskuldbinding ríkissjóðs jókst töluvert á árinu 2008 sem má að stórum hluta rekja til áhrifa falls bankanna á fjárhag lífeyrissjóðanna. Samanlögð gjaldaáhrif af þessum þremur þáttum námu 234 ma.kr. á árinu 2008, en án þeirra nam vöxtur ríkisútgjaldanna aðeins 1,7% umfram almennt verðlag.

Hrein lánsfjárþörf ríkissjóðs nam 398 ma.kr. á árinu eða 27% af VLF. Heildarlántökur ríkissjóðs námu 686 ma.kr. og var 572 ma.kr. aflað innanlands og 114 ma.kr. erlendis. Afborganir lána voru alls 232 ma.kr. Í heild voru því nýjar lántökur 454 ma.kr. umfram afborganir og af því var 450 ma.kr. aflað á innlendum markaði og 5 ma.kr. erlendis.



Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum