Félags- og tryggingamálaráðherra hefur skipað Mörð Árnason formann flóttamannanefndar. Hann tekur við af Guðrúnu Ögmundsdóttur sem sagði af sér formennsku í október síðastliðnum, en varamaður hefur gegnt formennsku frá þeim tíma.

Samhliða skipun Marðar kemur til framkvæmda lækkun þóknunar vegna formennskunnar, í samræmi við þær lækkanir sem þegar hafa tekið gildi í öðrum nefndum og ráðum á vegum ráðuneytisins.