Hoppa yfir valmynd

Frétt

7. október 2011 Samgöngu- og sveitarstjórnarráðuneytið

Siglt um Landeyjahöfn eins og aðstæður leyfa

Í vetur er stefnt að því að sigla í Landeyjahöfn eftir því sem aðstæður leyfa, segir í frétt frá samstarfshópi um málefni siglinga til Vestmannaeyja.

Ljóst er að siglingar Herjólfs í höfnina eru vandkvæðum bundnar vegna stærðar skipsins, lögunar og djúpristu. Unnið er að viðhaldsdýpkun sem þó er mjög háð veðurfari.

Áframhald verður á samstarfi samgöngustofnana, rekstraraðila, ráðuneytis og Vestmannaeyjabæjar um lausnir til framtíðar. Meðal annars mun
Vegagerðin láta kanna önnur skip sem gætu leyst Herjólf af hólmi. Samráðshópurinn hvetur eindregið til þess að hönnun og smíði nýrrar ferju til siglinga í Landeyjahöfn verði flýtt sem kostur er, enda bendir flest til þess að samgöngur við Landeyjahöfn verði ekki áreiðanlegar fyrr en fengin verður ferja sem fellur að þeim forsendum sem bygging hafnarinnar miðaði við.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira