Hoppa yfir valmynd

Frétt

28. janúar 2013 Félagsmálaráðuneytið, Heilbrigðisráðuneytið

Minnt á frest til að sækja um framlag úr Framkvæmdasjóði aldraðra

Skjaldarmerkið
Skjaldarmerkið

Í byrjun janúar sl. auglýsti Samstarfsnefnd um málefni aldraðra eftir umsóknum um framlög úr Framkvæmdasjóði aldraðra fyrir árið 2013. Minnt er á að umsóknum ber að skila í síðasta lagi 3. febrúar næstkomandi.

Hlutverk Framkvæmdasjóðs aldraðra er að stuðla að uppbyggingu og efla öldrunarþjónustu um allt land.

Framkvæmdasjóður aldraðra starfar samkvæmt lögum um málefni aldraðra nr. 125/1999 og reglugerð nr. 1/2011 um Framkvæmdasjóð aldraðra með áorðnum breytingum, sbr. reglugerð nr. 1269/2011. Samstarfsnefnd um málefni aldraðra fer með stjórn sjóðsins og gerir tillögur til velferðarráðherra um úthlutun úr honum. Vísað er til reglugerðarinnar varðandi upplýsingar um þau verkefni sem heimilt er að veita framlög til.

Við ákvörðun um úthlutun er stefna velferðarráðherra í öldrunarmálum höfð til hliðsjónar.

Vakin er athygli á að umsækjendum er gert að sækja um rafrænt og er umsóknarformið ásamt nánari upplýsingum aðgengilegt hér á vef velferðarráðuneytissins.

Umsóknum ber að skila í síðasta lagi 3. febrúar 2013.

Samstarfsnefnd um málefni aldraðra

 

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira