Hoppa yfir valmynd

Frétt

19. mars 2017 Utanríkisráðuneytið

Fimmta viðræðufundi ríkja um stjórnun fiskveiða í Norður-Íshafi lokið

Þátttakendur í viðræðunum. - mynd

Þriggja og hálfs dags samningafundi ríkja um stjórnun fiskveiða í Norður-Íshafi sem haldinn var í Reykjavík, lauk í gær, 18. mars. Góður árangur náðist á fundinum og liggja nú fyrir drög að samningi, þar sem ekki skilur mikið á milli aðila. Voru ríkin ásátt um að ljúka samningaviðræðum síðar á þessu ári.

Þetta var fimmta lota viðræðnanna sem fram fór að þessu sinni í Safnahúsinu við Hverfisgötu. Á fundinum voru mættir um 60 fulltrúar þeirra tíu  aðila (Bandaríkjanna, Danmerkur f.h. Færeyja og Grænlands, Íslands, Japan, Kanada, Kína, Noregs, Rússlands, Suður-Kóreu og Evrópusambandsins) sem tekið hafa þátt í viðræðunum frá því þær hófust í desember 2015.

Efnisorð

Heimsmarkmiðin

Heimsmarkmið - mynd

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira