Hoppa yfir valmynd

Innstæðutryggingar o.fl.

Tryggingarsjóður vegna fjármálafyrirtækja (TVF) starfar samkvæmt lögum um innstæðutryggingar og tryggingarkerfi fyrir fjárfesta. Sjóðurinn er sjálfseignarstofnun og starfar í þremur sjálfstæðum deildum, þ.e. þ.e. skilasjóði, innstæðudeild, og verðbréfadeild.

Viðskiptabankar, sparisjóðir, verðbréfafyrirtæki og, ef við á, lánafyrirtæki, rekstrarfélög verðbréfasjóða og rekstraraðilar sérhæfðra sjóða skulu eiga aðild að innstæðu- og/eða verðbréfadeild sjóðsins, enda hafi þeir staðfestu hér á landi Sama gildir um útibú þessara aðila innan EES. Á vef sjóðsins er listi yfir aðildarfyrirtæki.

Innstæðudeild

Innstæðudeild tryggir innstæður í bönkum og sparisjóðum. Tryggingarsjóður tryggir á hverjum tíma innstæður sem nema að lágmarki, og að hámarki, fjárhæð sem samsvarar 100.000 evrum.

Verðbréfadeild

Verðbréfadeild veitir viðskiptavinum fyrirtækja sem nýta sér heimildir laga til að stunda viðskipti með verðbréf lágmarksvernd gegn greiðsluerfiðleikum viðkomandi fyrirtækis. Verði fyrirtækið ekki fært um að greiða til baka verðbréf eða reiðufé sem viðskiptavinur krefur það um er sjóðnum skylt að greiða viðskiptavini andvirði verðbréfa og reiðufjár í tengslum við viðskipti með verðbréf úr verðbréfadeild. Lágmarksvernd samsvarar 1,7 millj. kr. miðað við kaupgengi evru 5. janúar 1999.

Skilasjóður

Skilasjóður er sjóður um fjármuni sem skilavald Seðlabanka Íslands getur notað við skilameðferð fjármálafyrirtækis í samræmi við lög um skilameðferð lánastofnana og verðbréfafyrirtækja. Tryggingasjóður vegna fjármálafyrirtækja fer með vörslu sjóðsins en skilavaldið tekur ákvarðanir um greiðslur úr sjóðnum.  

Síðast uppfært: 1.9.2022 1
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira