Hoppa yfir valmynd

Stimpilgjald

Samkvæmt lögum um stimpilgjald ber að greiða stimpilgjald af skjölum er varða eignaryfirfærslu fasteigna hér á landi og skipa yfir 5 brúttótonnum sem skrásett eru hér á landi, svo sem afsölum, kaupsamningum og gjafagerningum. Stimpilgjald af gjaldskyldu skjali sem kveður á um eignaryfirfærslu fasteignar ákvarðast eftir matsverði eins og það er skráð í fasteignaskrá þegar gjaldskylda stofnast. Stimpilgjald af gjaldskyldu skjali sem kveður á um eignaryfirfærslur skipa yfir 5 brúttótonnum ákvarðast eftir því verði er fram kemur í kaupsamningi eða öðru skjali um eignaryfirfærslu, þó aldrei lægri fjárhæð en nemur áhvílandi veðskuldum. Í lögunum er jafnframt að finna undantekningar frá greiðslu stimpilgjalda og má m.a. nefna að einungis er greitt hálft stimpilgjald í þeim tilfellum þegar annars vegar fasteign eða skip er selt veðhafa við nauðungarsölu og ekki er greitt stimpilgjald þegar nafnabreyting verður á eiganda fasteigna eða skipa yfir 5 brúttótonnum í opinberum skrám, svo sem í þinglýsingarbókum, í kjölfar félagsréttarlegs samruna, breytingar einkahlutafélags í hlutafélag eða skiptingar. Gjaldhlutfallið af gjaldskyldum skjölum er 1,6% ef rétthafinn er lögaðili.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira