Alþjóðlegt samstarf
Alþjóðavinnumálastofnunin (ILO)
Félags- og vinnumarkaðsráðuneytið fer með alþjóðlegt samstarf á sviði vinnumála á vettvangi Alþjóðavinnumálastofnunarinnar (ILO - International Labour Organization). Stofnunin er ein af sérstofnunum Sameinuðu þjóðanna og hóf starfsemi árið 1919. Ísland gerðist aðili árið 1945.
- Almennar upplýsingar um ILO
- Samþykktir ILO sem Ísland hefur fullgilt
- Skýrslur til Alþingis um Alþjóðavinnumálaþingið
Samningurinn um Evrópska efnahagssvæðið (EES-samningurinn)
Reglur Evrópusambandsins á sviði vinnumála sem orðið hafa hluti af EES-samningnum hafa leitt til breytinga á löggjöf og reglum stjórnvalda á sviði vinnumála. Tvær tilskipanir Evrópusambandsins hafa verið gildisteknar hér á landi með kjarasamningum samtaka aðila á vinnumarkaði
- Almennar upplýsingar um EES-samninginn
- Heimasíða Vinnuverndarstofnunar Evrópusambandsins í Dublin
- Vinnuverndarstofnun Evrópusambandsins í Bilabó
- EFTA – Fríverslunarsamtök Evrópu
Norrænt samstarf á sviði vinnumála
Norrænt samstarf á sviði atvinnulífs er mikilvægur vettvangur Norðurlandaþjóðanna. Samstarfið stuðlar að því að löndin nái markmiðum sínum um að efla vinnuafl, heilbrigði og velferð í starfi jafnframt því að styrkja sveigjanleika vinnumarkaðarins.
- Nánari upplýsingar á vefsetrinu norden.org
- Arbetsliv i Norden (Norrænt vefrit um vinnumál - gefið út á norsku og ensku)
Félagsmálasáttmáli Evrópu
Félagsmálasáttmálinn er frá árinu 1961 og var fullgiltur af Íslands hálfu árið 1976. Framkvæmd sáttmálans hér á landi heyrir undir félags- og vinnumarkaðsráðuneytið. Skipta má félagslegum réttindum samkvæmt sáttmálanum í þrjá flokka: vinnurétt, vernd félagslegra réttinda og vernd sérstakra réttinda sem ekki falla undir vinnuumhverfi.
Fríverslunarsamtök Evrópu (EFTA)
Fríverslunarsamtök Evrópu (EFTA - European Free Trade Association) voru stofnuð árið 1960 og voru stofnaðilar Austurríki, Bretland, Danmörk, Noregur, Portúgal, Svíþjóð og Sviss. Síðar gerðust Finnland, Ísland og Lichtenstein aðilar. Í dag eru EFTA-ríkin fjögur: Ísland, Lichtenstein, Noregur og Sviss. Hin ríkin eru aðilar að Evrópusambandinu (ESB), en EFTA-ríkin hafa með margvíslegum hætti samvinnu við ESB.
Norrænt samstarf á sviði jafnréttismála
Norðurlandaþjóðirnar hafa unnið saman að jafnréttismálum til áratuga. Framtíðarsýn þjóðanna er að norrænt jafnréttissamstarf verði fyrirmynd annarra þjóða. Karlar og konur á Norðurlöndunum eiga að njóta jafnra tækifæra á öllum sviðum samfélagsins.
Norrænt samstarf að málefnum barna og ungmenna
Markmiðið með starfi í þágu barna og unglinga á Norðurlöndum er að skapa hagstæð lífskilyrði fyrir börn og unglinga og auka tækifæri þeirra til þess hafa áhrif. Starfið byggir á sameiginlegum grunngildum eins og réttlæti, jafnrétti, lýðræði, gegnsæi og þátttöku.
Um félags- og vinnumarkaðsráðuneytið
Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.