Hoppa yfir valmynd

Stýrihópur Stjórnarráðsins um byggðamál

Innviðaráðuneytið

Stýrihópur Stjórnarráðsins um byggðamál hefur það hlutverk að efla samhæfingu innan stjórnarráðsins í málefnum sem snúa að byggðamálum og trygga virkt samráð við sveitarstjórnarstigið í þeim málaflokki. Hópurinn er skipaður til þriggja ára í senn skv. 2. gr. laga um byggðaáætlun og sóknaráætlanir nr. 69/2015. Samgöngu- og sveitarstjórnarráðherra skipar í hópinn en í honum eru fulltrúar allra ráðuneyta og fulltrúi frá Sambandi íslenskra sveitarfélaga. Fulltrúi ráðherra byggðamála fer með formennsku í stýrihópnum.

Stýrihópurinn vinnur út frá þeirri skilgreiningu að byggðamál eru öll þau viðfangsefni sem hafa áhrif á lífsgæði og samkeppni landshluta, s.s. búsetu, atvinnu og nýsköpun. Þau snúa að eflingu samfélaga, félagsauðs, atvinnulífs, menntunar, menningar, velferðarmála, samgangna og fjarskipta. Samkvæmt þessari skilgreiningu eru byggðamál viðfangsefni allra ráðuneyta með einhverjum hætti og ná til landsins alls.

Stýrihópur Stjórnarráðsins um byggðamál er þannig skipaður:

Frá samgöngu- og sveitarstjórnarráðuneyti
Hólmfríður Sveinsdóttir, formaður
Árni Freyr Stefánsson
   Varafulltrúi: Ottó V. Winther

Frá atvinnuvega- og nýsköpunarráðuneyti 
Anna Katrín Einarsdóttir (fulltrúi ferðamála-, iðnaðar- og nýsköpunarráðherra)
  Varafulltrúi: Þórir Hrafnsson
Bryndís Eiríksdóttir (fulltrúi sjávarútvegs- og landbúnaðarráðherra)
   Varafulltrúi: Bjarki Pjetursson

Frá dómsmálaráðuneyti
Guðmundur Bjarni Ragnarsson
   Varafulltrúi: Svanhildur Þorbjörnsdóttir

Frá félagsmálaráðuneyti
Eva Margrét Kristinsdóttir
   Varafulltrúi: Þór G. Þórarinsson

Frá fjármála- og efnahagsráðuneyti
Anna Borgþórsdóttir Olsen
   Varafulltrúi: Nökkvi Bragason

Frá forsætisráðuneyti
Pétur Berg Matthíasson
   Varafulltrúi: Sigrún Ólafsdóttir

Frá heilbrigðisráðuneyti
Bryndís Þorvaldsdóttir
   Varafulltrúi: Arnar Þór Sveinsson

Frá mennta- og menningarmálaráðuneyti
Baldur Þórir Guðmundsson
Þórarinn Sólmundarson

Frá umhverfis- og auðlindaráðuneyti
Magnús Örn Agnesar Sigurðsson
   Varafulltrúi: Dagný Arnardóttir

Frá utanríkisráðuneyti
Andri Júlíusson

Frá Sambandi íslenskra sveitarfélaga
Valgerður Rún Benediktsdóttir
   Varafulltrúi: Karl Björnsson

Verkefnisstjóri stýrihópsins er Sigríður K. Þorgrímsdóttir, Byggðastofnun. Þá eiga Byggðastofnun og samtök landshlutasamtaka sveitarfélaga áheyrnarfulltrúa á fundum stýrihópsins.

Skipunartími er til 31. maí 2024.

Meðal verkefna stýrihópsins samkvæmt erindisbréfi er að:

  • Vera ríkisstjórn til ráðgjafar í byggðamálum.
  • Auka samráð ráðuneyta á sviði byggðamála.
  • Vinna að því að samhæfa byggðamál að annarri stefnumótun og áætlanagerð hins opinbera þannig að horft sé til byggðaþróunar með heilstæðum hætti.
  • Hafa aðkomu að gerð byggðaáætlunar og fylgjast með framvindu hennar.
  • Styðja landshlutasamtök sveitarfélaga við gerð og framkvæmd sóknaráætlana landshluta.
  • Vinna með landshlutasamtökum sveitarfélaga að því að sóknaráætlanir verði farvegur fyrir samstarf ríkis og sveitarfélaga um framkvæmd byggðaáætlunar og stuðla að því að fella fleiri viðfangsefni og samninga að sóknaráætlunum.
  • Staðfesta sóknaráætlanir landshluta og áhersluverkefni þeirra.
  • Vinna árlega greinargerð um framvindu sóknaráætlanasamninga og ráðstöfun fjármuna.
  • Vinna drög að viðmiðunarreglum vegna útdeilingar framlags ríkisins til sóknaráætlana og leggja fyrir ráðherra. 
  • Hafa almennt samráð og samskipti um framkvæmd sóknaráætlunarsamninga og fylgja eftir ákvæðum samninga um skil og upplýsingagjöf. 

Smellið hér til að skoða fundargerðir stýrihópsins

Fastanefndir
Til baka
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira