Reikningsskila- og upplýsinganefnd

Meginhlutverk reikningsskila- og upplýsinganefndar, sem skipuð er skv. 74. gr. ,sveitarstjórnarlaga nr. 138/2011, er að stuðla að samræmingu í reikningsskilum sveitarfélaga og öðrum fjárhagslegum ráðstöfunum þeirra. Þá sinnir hún öðrum verkefnum sem ráðherra felur henni á þessu sviði. Reikningsskila- og upplýsinganefnd getur eftir því sem tilefni er til gefið út nánari leiðbeiningar og álit um bókhald, fjárhagsáætlanir og reikningsskil sveitarfélaga en gert er í reglum um bókhald og reikningsskil.

Samgöngu- og sveitarstjórnarráðherra skipar fimm manna reikningsskila- og upplýsinganefnd til fimm ára í senn. Nefndarmenn skulu hafa þekkingu á reikningsskilum sveitarfélaga. Tvo skal skipa samkvæmt tilnefningu Sambands íslenskra sveitarfélaga, einn samkvæmt tillögu Hagstofu Íslands og tvo án tilnefningar. Skal annar þeirra vera löggiltur endurskoðandi. Fimm varamenn skulu skipaðir með sama hætti. Ráðherra skipar formann nefndarinnar.

Reikningsskila- og upplýsinganefnd er þannig skipuð:

  • Sigrún Guðmundsdóttir, löggiltur endurskoðandi og jafnframt formaður, tilnefnd af ráðherra
  • Ágúst Kristinsson, löggiltur endurskoðandi, tilnefndur af ráðherra
  • Gísli H. Guðmundsson, borgarbókari, tilnefndur af Sambandi íslenskra sveitarfélaga
  • Ingibjörg Garðarsdóttir, fjármálastjóri, tilnefnd af Sambandi íslenskra sveitarfélaga
  • Hólmfríður Sigurðardóttir, tilnefnd af Hagstofu Íslands

Varamenn:

  • Stefán Kalmansson og Jóna Árný Þórðardóttir, tilnefnd af ráðherra
  • Sigurrós Ásta Sigurðardóttir og Jóhannes Á. Jóhannesson, tilnefnd af Sambandi íslenskra sveitarfélaga
  • Björn Rúnar Guðmundsson, tilnefndur af Hagstofu Íslands

 Skipunartími nefndarinnar er frá og með 1. júlí 2016 til og með 30. júní 2021 eða til fimm ára.

Álit reikningsskila- og upplýsinganefndar

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn