Svar atvinnuvega- og nýsköpunarráðuneytis til umboðsmanns Alþingis vegna fyrirhugaðs flutnings Fiskistofu
Í kjölfar kvörtunar starfsmanna Fiskistofu til umboðsmanns Alþingis vegna fyrirhugaðs flutnings stofnunarinnar til Akureyrar sendi umboðsmaður bréf til atvinnuvega- og nýsköpunarráðuneytisins þar sem að hann óskar eftir skýringum á tilteknum þáttum vegna athugunar sinnar í tengslum við kvörtunina.
Ráðuneytið hefur með bréfi dagsettu í dag svarað fyrirspurnum umboðsmanns. Um málið hefur nokkuð verið fjallað í fjölmiðlum og óskað eftir upplýsingum um svarbréfið. Að höfðu samráði við embætti umboðsmanns Alþingis og fulltrúa starfsmanna Fiskistofu birtir ráðuneytið hér svarbréf sitt til umboðsmanns í heild sinni að fylgigögnum málsins undanskildum.