Umhverfis- og auðlindaráðuneytið

Breyting á reglugerð um starfsleyfi fyrir mengandi atvinnurekstur í umsögn

Umhverfis- og auðlindaráðuneytið óskar eftir umsögnum um breytingu á reglugerð um starfsleyfi fyrir atvinnurekstur sem getur haft í för með sér mengun.

Mikilvægt er að á iðnaðarsvæðum, þar sem fleiri en eitt fyrirtæki er með mengandi starfsemi, sé heildstæð umhverfisvöktun svo hægt sé að fylgjast með ástandi umhverfisins og miðla því til almennings. Með breytingunni er sett fram skilgreining á því hvað sameiginleg vöktun felur í sér og er Umhverfisstofnun gert kleyft að setja það sem skilyrði í starfsleyfi vegna starfsemi rekstraraðila að þeir viðhafi sameiginlega vöktun þegar það á við.  Áfram mun hver rekstraraðili bera ábyrgð á sinni losun í umhverfið enda einungis um að ræða sameiginlega vöktun.

Gert er ráð fyrir að það verði í höndum sveitarstjórnar að ákveða með hvaða hætti umsóknareyðublöð fyrir starfsleyfi og aðrar upplýsingar því tengdar verði gerðar aðgengilegar almenningi.

Umhverfisstofnun fær auknar heimildir til að gera kröfur til rekstraraðila svo að fyrirbyggja megi mengun og koma rekstrarsvæði í viðunandi horf eftir að starfsemi er hætt.

Óskað er eftir að umsagnir um reglugerðardrögin berist fyrir 21. desember nk. á netfangið [email protected] eða í bréfpósti, á umhverfis- og auðlindaráðuneytið, Skuggasundi 1, 101 Reykjavík.

Drög að reglugerð um breytingu á reglugerð nr. 785/1999 um starfsleyfi fyrir atvinnurekstur sem getur haft í för með sér mengun (word-skjal)

Merki markmiðs númer 9, nýsköpun og uppbyggingMerki markmiðs númer 12, ábyrg neyslaEfni þessarar fréttar tengist heimsmarkmiðum Sameinuðu þjóðanna um sjálfbæra þróun, markmiðum númer 9 um nýsköpun og uppbyggingu og númer 12 um ábyrga neyslu.

Efnisorð

Hafa samband

Ábending / fyrirspurn