Hoppa yfir valmynd
27. ágúst 2021 Forsætisráðuneytið

Forsætisráðherra undirritar viðbótarsamning við Stígamót

Katrín Jakobsdóttir, forsætisráðherra, og Guðrún Gísladóttir sem undirritaði samstarfssamninginn fyrir hönd Stígamóta. - mynd

Katrín Jakobsdóttir, forsætisráðherra, og Guðrún Gísladóttir, fyrir hönd Stígamóta, undirrituðu samstarfssamning í Stjórnarráðinu í dag.

Samstarfssamningurinn er viðbót við eldri samning, frá 2. júlí síðastliðnum, en samkvæmt honum greiðir forsætisráðuneytið Stígamótum 10 milljónir króna. Markmiðið með samningnum er að þjónusta ungmenni og stytta biðlista brotaþola kynbundins og kynferðislegs ofbeldis en aukið álag er hjá samtökunum vegna heimsfaraldurs kórónuveiru.

Katrín Jakobsdóttir, forsætisráðherra:

„Frjáls félagasamtök hafa átt stóran þátt í baráttunni gegn kynbundnu og kynferðislegu ofbeldi og því er mikilvægt að stjórnvöld styrki starfsemi þeirra. Samningurinn sem er undirritaður hér í dag styður enn frekar við styttingu biðlista þannig að brotaþolar kynbundins og kynferðislegs ofbeldis fái viðeigandi þjónustu sem fyrst.“

Með viðbótarsamningnum sem undirritaður var í dag greiðir forsætisráðuneytið Stígamótum fimm milljónir króna til þess að stytta biðlistana enn frekar og efla þjónustu.

Samkvæmt samningunum tveimur greiðir forsætisráðuneytið Stígamótum því samtals 15 milljónir króna á árinu til þess að þjónusta ungmenni og stytta biðlista brotaþola kynbundins og kynferðislegs ofbeldis.

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira