Hoppa yfir valmynd
19. apríl 2022 Háskóla-٫ iðnaðar- og nýsköpunarráðuneytið

Opið fyrir umsóknir um Lóu - nýsköpunarstyrki fyrir landsbyggðina

Opnað hefur verið fyrir umsóknir um Lóu – nýsköpunarstyrki, en markmiðið með þeim er að efla nýsköpun á landsbyggðunum sem byggir á hugviti, þekkingu og nýrri færni. Styrkjunum er ætlað að styðja við frumkvöðla- og nýsköpunarverkefni sem og til uppbyggingar innviða fyrir verðmætasköpun og atvinnulíf, á forsendum svæðanna sjálfra.  

Heildarfjárhæð Lóu árið 2022 er 100 milljónir króna, en hámarks styrkur til hvers verkefnis eru 20 milljónir króna og er úthlutað til árs í senn. Ráðherra mun skipa matshóp sem fer yfir styrkhæfi umsókna í samræmi við nýsköpunarstefnu og áherslur stjórnvalda. Hópurinn gerir tillögur til ráðherra um veitingu styrkja.  

Umsóknarfrestur er til og með 11. maí 2022.

Umsóknum er skilað rafrænt í gegnum minarsidur.hvin.is 

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira