Nýtt skipulag fjármála- og efnahagsráðuneytis tekur gildi
Daði Már Kristófersson, fjármála- og efnahagsráðherra, hefur staðfest ákvörðun um nýtt skipulag fjármála- og efnahagsráðuneytisins sem tekur gildi 1. september næstkomandi.
Samkvæmt ákvörðuninni fækkar skrifstofum um eina með sameiningu verkefna skrifstofu yfirstjórnar og skrifstofu reksturs og innri þjónustu. Þá er kjara- og mannauðssýslu ríkisins breytt úr ráðuneytisstofnun í skrifstofu í ráðuneytinu.
Breytingarnar fela í sér aukið hagræði í rekstri ráðuneytisins, meðal annars með því að eitt embætti skrifstofustjóra er lagt niður. Þá munu breytingarnar að stuðla að aukinni samhæfingu, þverfaglegri samvinnu og verkefnamiðari nálgun. Sett eru á stofn fagteymi um mál á borð við framkvæmd fjárlaga, endurmat útgjalda og fjármálastöðugleika og með því tryggt að sérfræðiþekking nýtist þvert á skrifstofur ráðuneytisins.
Meginhlutverk fjármála- og efnahagsráðuneytis felst í yfirstjórn opinberra fjármála og efnahagsmála. Ráðuneytið fer með málefni fjármálamarkaðarins, ber ábyrgð á bættum stjórnunarháttum og áætlanagerð, hefur með höndum virka stjórn mannauðsmála ríkisins og er leiðandi í umbótum og nýsköpun í rekstri ríkisins.
Nýtt skipurit fjármála- og efnahagsráðuneytis