Hoppa yfir valmynd
30. apríl 2014 Samgöngu- og sveitarstjórnarráðuneytið

Drög að breytingu á reglugerð um ökuferlisskrá og punktakerfi til umsagnar

Drög að breytingu á reglugerð um ökuferlisskrá og punktakerfi vegna umferðarlagabrota eru nú til umsagnar hjá innanríkisráðuneytinu. Unnt er að senda ráðuneytinu umsagnir til og með 12. maí næstkomandi á netfangið [email protected].

Tilefni breytingarinnar er að samræma hraðatakmarkanir hér á landi við það sem tíðkast erlendis sem og við þær hraðatakmarkanir sem leiðsögukerfi gera ráð fyrir. Slík kerfi gera einungis ráð fyrir að hraðatakmarkanir hlaupi á heilum tugum. Þá er breytingunni ætlað að koma til móts við óskir þeirra sem skv. lögum ákvarða hámarkshraða á tilteknum vegaköflum. Þó nokkur sveitarfélög hafa sýnt því áhuga að breyta hámarkshraða á ákveðnum vegaköflum í 40 km/klst. Breyting á reglugerð nr. 929/2006 um ökuferilskrá og punktakerfi vegna umferðarlagabrota er nauðsynlegt skref þar sem annars yrði ekki hægt að framfylgja hraðatakmörkuninni 40 km/klst. með punktakerfinu.

Með breytingunni er ætlunin að skipta út skrá um vægi brota í punktakerfi fyrir nýja skrá þar sem gert hefur verið ráð fyrir þeim möguleika að binda hámarkshraða ökutækja við 40 km/klst. og afleiðingar þess að slíkur hámarkshraði sé brotinn með tilliti til punktakerfis reglugerðar nr. 929/2006. Reglugerðin er sett samkvæmt heimild í 2. mgr. 52. gr. og 2. mgr. 101. gr. umferðarlaga nr. 50/1987 og er gert ráð fyrir að hún öðlist þegar gildi.

Efnisorð

Hafa samband

Ábending / fyrirspurn
Ruslvörn


Þessi síða notar vafrakökur Lesa meira