Hoppa yfir valmynd
20. febrúar 2013 Mennta- og menningarmálaráðuneytið

Námsmatsstofnun hefur verið falin umsjón með innritun í framhaldsskóla

Stofnunin mun hafa umsjón með almennri innritun nemenda á  haustönn 2013, sem fram fer nú í vor.

Námsmatsstofnun hefur verið falin umsjón með innritun í framhaldsskóla. Mun stofnunin taka við umsjón með almennri innritun nemenda á  haustönn 2013, sem fram fer nú í vor. Ráðuneytið mun sjá um innritun fatlaðra nemenda á starfsbrautir.

Breytingin á ekki að hafa í för með sér nein áhrif á þá þjónustu sem veitt er því sótt verður um skólavist á Menntagátt.is á sama hátt og verið hefur, umsækjendur fá svör eftir þar til gerðum skýrum leikreglum og viðtökuskóli vinnur úr gögnum og lýkur innritun.

Mennta- og menningarmálaráðuneyti mun áfram bera stjórnsýslulega ábyrgð á innritun í framhaldsskóla og úrskurða um álitamál. Námsmatsstofnun mun sjá um kynningu, framkvæmd  og tæknilega útfærslu í samráði við ráðuneytið. Eftir sem áður bera skólameistarar framhaldsskóla ábyrgð á innritun nemenda skv. reglugerð nr. 1150/2008 sbr. reglugerð nr. 204/2012.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira