Undanþágunefnd grunnskóla
Skýrslur undanþágunefndar fyrir skólaárin 2011 – 2012 og 2012 - 2013.
Verkefni undanþágunefndar er að meta umsóknir skólastjóra um heimild til að lausráða starfsmann sem ekki hefur leyfi mennta- og menningarmálaráðherra til að nota starfsheitið grunnskólakennari. Samkvæmt reglugerð um störf og starfshætti undanþágunefndar grunnskóla nr. 440/2010 ber nefndinni að senda mennta- og menningarmálaráðherra og þeim sem tilnefna fulltrúa í nefndina, skýrslu um starfsemi hennar á liðnu skólaári.
Alls voru teknar 116 umsóknir til afgreiðslu hjá undanþágunefndinni vegna skólaársins 2012-2013. Af þeim samþykkti hún 92 umsóknir en synjaði 24. Fyrir skólaárið 2011 – 2012 voru 86 umsóknir teknar til afgreiðslu hjá nefndinni og af þeim samþykkti hún 56 umsóknir en synjaði 30.
Nokkur breytileiki er í fjölda umsókna milli skólaára. Á milli skólaáranna 2012-2013 og 2011-2012 er um 64,3% fjölgun samþykktra umsókna að ræða og á milli skólaáranna 2011-2012 og 2010-2011 er um 52,5% fækkun samþykktra umsókna milli skólaáranna. Nánari upplýsingar eru í skýrslunni.