Hoppa yfir valmynd
14. mars 2014 Mennta- og barnamálaráðuneytið

Samningur um tilraunaverkefnið „Menntun núna“

 Í dag  undirrituðu  Illugi Gunnarsson menntamálaráðherra og Jón Gnarr borgarstjóri samstarfssamning um verkefnið "Menntun núna" í Menningarmiðstöðinni Gerðubergi. 

Illugi Gunnarsson og Jón Gnarr í Gerðubergi
Illugi-og-Jon-Gnarr
 „Menntun núna“ er tilraunaverkefni mennta- og menningarmálaráðuneytisins, Reykjavíkurborgar og aðila vinnumarkaðarins sem hefur það markmið að auka ráðgjöf og stuðning við menntun í Breiðholti. Verkefnið er staðsett í Gerðubergi. Samningurinn er um ráðstöfun styrktarframlags til verkefnisins og meginmarkmið  hans eru að:

  •  Auka þjónustu og stuðning við þrjá hópa í Breiðholti í því skyni að auðvelda þeim að hefja nám að nýju. Í fyrsta lagi innflytjendur, í öðru lagi fólk á aldrinum 25 – 54 ára, semekki hefur lokið formlegu námi eftir grunnskóla og í þriðja lagi fólk á aldrinum 18 – 25 ára sem horfið hefur frá framhaldsnámi. 
  • Fjölga þeim íbúum Breiðholts sem lokið hafa skilgreindu prófi eftir grunnskóla.
  •  Efla íslenskukunnáttu innflytjenda í Breiðholti. 
Tilraunin í verkefninu felst í að bjóða íbúum Breiðholts, þar sem býr fjöldi fólks af erlendu bergi brotið, tímabundið upp á öfluga þjónustu og úrræði í nærsamfélaginu, vinna með samtökum, félögum og samfélögum innflytjenda í hverfinu, að vinna skipulega í ákveðinn tíma með víðtæku samvinnuneti að því að bjóða íbúum upp á ráðgjöf og nám við hæfi, starfskynningar og starfsþjálfun.

 Í lok verkefnisins verður árangur þess og yfirfærslugildi metið. Sem dæmi um starfsemi má nefna að einstaklingar, sem nýverið hafa hætt í framhaldsskóla, verða hvattir til að hefja nám að nýju með boði um aukinn stuðning við námið og náms – og starfsráðgjöf. Þá verður innflytjendum boðin náms- og starfsráðgjöf, starfskynningar, starfsþjálfun, raunfærnimat og aðstoð við að fá nám sitt viðurkennt.



Menntun núna í Gerðubergi 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira