Hoppa yfir valmynd
5. desember 2008 Samgöngu- og sveitarstjórnarráðuneytið

Reglugerðardrög um úrskurðarnefnd fjarskipta- og póstmála til umsagnar

Til umsagnar eru nú hjá samgönguráðuneytinu reglugerðardrög um úrskurðarnefnd fjarskipta- og póstmála. Þeir sem óska eftir að veita umsögn eru beðnir að senda þær á netfangið [email protected] eigi síðar en 15. desember.

Reglugerðin er sett með stoð í 7. mgr. 13. gr. laga um Póst- og fjarskiptastofnun nr. 69/2003, sbr. 2. gr. laga nr. 117/2008. Í henni er kveðið á um hlutverk og valdsvið úrskurðarnefndar fjarskipta- og póstmála, skipan nefndarinnar, málskotsgjald, kærufresti, réttaráhrif kæru, málsmeðferð, efni úrskurða, birtingu úrskurða úrskurðarnefndarinnar, kostnað vegna úrskurða nefndarinnar, málskot til dómstóla og aðra þætti sem lúta að starfsumhverfi nefndarinnar.

Í úrskurðarnefnd skuli sitja þrír menn sem skipaðir eru af samgönguráðherra og jafnmargir til vara. Formaður og varaformaður skulu fullnægja hæfisskilyrðum hæstaréttardómara.

Sem fyrr segir er óskað umsagna um reglugerðardrögin eigi síðar en 15. desember.



Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira