Hoppa yfir valmynd
6. október 2006 Samgöngu- og sveitarstjórnarráðuneytið

Unnið að fjarskiptaútboði fyrir ríkisstofnanir

Sturla Böðvarsson samgönguráðherra kynnti á ríkisstjórnarfundi í dag stöðuna í þeirri ráðagerð að fá stofnanir ríkisins til að taka þátt í sameiginlegu útboði í fjarskiptaþjónustu hins opinbera. Markmið þess yrði að allar helstu stofnanir ríkisins tengist öflugu háhraðaneti en í þingsályktun um stefnu í fjarskiptamálum fyrir árin 2005 til 2010 er meðal annars kveðið á um að unnið verði að þessu markmiði.

Samgönguráðuneytið hefur haft frumkvæði að verkefninu en fjármálaráðuneytið kom fljótlega til skjalanna svo og Vegagerðin. Síðastliðið vor var ákveðið að Vegagerðin leiddi þessa vinnu enda hyggst hún ráðast í útboð á háhraðatengingum. Var jafnframt ákveðið að Vegagerðin héldi sínu striki og öðrum stofnunum yrði tilkynnt um útboðið og boðin aðild. Með slíku útboði má ná fram markmiðum fjarskiptaáætlunar um betri tengingar til h anda stofnunum ríkisins og að auki ná fram fleiri markmiðum svo sem ódýrari þjónustu og betri tengingar við stofnanir úti á landi og um leið betri tengingar fyrir fyrirtæki og íbúa á þeim svæðum.

Komið hefur á daginn að fáar stofnanir hafa sýnt áhuga á þátttöku, aðeins menntamálaráðuneytið og Heilbrigðisstofnunin á Hólmavík. Samgönguráðuneytið vill hvetja til þess að ráðuneytin leggi áherslu á sameiginlegt útboð á fjarskiptaþjónustu hins opinbera í þeim tilgangi að bæta tengingar til stofnana ríkisins og um leið yrði unnið að uppbyggingu háhraðatenginga út um landið.



Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira