Hoppa yfir valmynd
Mannanafnanefnd

Mál nr. 38/2023 Úrskurður 30. mars 2023

Mál nr. 38/2023                    Eiginnafn:     Kim (kk.)

 

 

Hinn 30. mars 2023 kveður mannanafnanefnd upp svohljóðandi úrskurð í máli nr. 38/2023 en erindið barst nefndinni 17. mars.   

 

Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:

 

  1. Eiginnafn skal geta tekið íslenska eignarfallsendingu eða hafa unnið sér hefð í íslensku máli.
  2. Nafnið má ekki brjóta í bág við íslenskt málkerfi.
  3. Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
  4. Eiginnafn má ekki vera þannig að það geti orðið nafnbera til ama.

 

Tólf einstaklingar bera nafnið Kim í þjóðskrá, sem uppfylla skilyrði vinnulagsreglna mannanafnanefndar varðandi hefð, sbr. 2. gr. þeirra, og er sá elsti fæddur árið 1971. Eiginnafnið Kim (kk.) tekur íslenskri beygingu í eignarfalli, Kims, og telst að öðru leyti uppfylla ákvæði 5. gr. laga um mannanöfn.

 

 

 

Úrskurðarorð:

Beiðni um eiginnafnið Kim (kk.) er samþykkt og skal nafnið fært á mannanafnaskrá.

 


Úrskurðir, ákvarðanir og aðrar úrlausnir sem birtast á vef Stjórnarráðsins eru á ábyrgð viðkomandi stjórnvalds. 
Stjórnarráðið ber ekki ábyrgð á efni frá sjálfstæðum stjórnvöldum umfram það sem leiðir af lögum.

Hafa samband

Ábending / fyrirspurn
Ruslvörn
Vinsamlegast svaraðu í tölustöfum