Skipulag heilbrigðisráðuneytisins

Heilbrigðisráðuneytið annast verkefni sem varða heilbrigðisþjónustu, lýðheilsu og forvarnir, lífvísindi og lífsiðfræði og sjúkratryggingar almannatrygginga, líkt og nánar er tilgreint í forsetaúrskurði um skiptingu stjórnarmálefna milli ráðuneyta. Heilbrigðisráðherra fer með yfirstjórn ráðuneytisins og ber ábyrgð á öllum stjórnarframkvæmdum þess. Ráðuneytisstjóri stýrir ráðuneytinu undir yfirstjórn ráðherra.

Skrifstofur ráðuneytisins eru fjórar: Skrifstofa ráðuneytisstjóra, skrifstofa stjórnsýslu, skrifstofa heilbrigðisþjónustu og skrifstofa fjármála.

Ráðuneytisstjóri er Ásta Valdimarsdóttir.

Skipuritið tók gildi 1. júní 2025

Skrifstofa ráðuneytisstjóra

Meginhlutverk skrifstofu ráðuneytisstjóra er að styðja við starf ráðherra og stefnumörkun ráðuneytisins. Skrifstofan heldur utan um mannauðsmál og stýrir samhæfingu stefnumótunar. Þá hefur hún yfirumsjón með alþjóðasamstarfi ráðuneytisins og sinnir þjónustu við ráðherra og yfirstjórn. Einnig fer skrifstofan með utanumhald tímabundinna verkefna og áherslumála sem styðja við umbætur og þróun.

Ásta Valdimarsdóttir ráðuneytisstjóri stýrir skrifstofunni.

Skrifstofa heilbrigðisþjónustu

Meginhlutverk skriftofunnar felst í að hafa yfirsýn með heilbrigðisþjónustu á öllum þjónustustigum, stuðla að samfelldri þjónustu gagnvart notendum og samhæfðri heilsueflingu. Forvarnir, fræðsla og hvers kyns meðferðir til að viðhalda eða bæta heilsu eru á ábyrgðarsviði skrifstofunnar og einnig að tryggja gerð viðbragðsáætlana í heilbrigðisþjónustu og vinna að forvörnum og lýðheilsumálum. Í framangreindu felst m.a. stefnumótun, áætlanagerð, innleiðing og eftirfylgni áætlana, skipulag, sérhæfing og verkaskipting. Skipulag skrifstofunnar byggir á þjónustuflokkum.

Verkaskipting á skrifstofunni er út frá þeim þjónustuflokkum sem henni tilheyra og ábyrgðaflokkar þjónustunnar ganga þvert á hvar þjónustan er veitt (hvar á landinu) eða með hvaða rekstrarformi (fjármögnun á fjárlögum eða með samningi við Sí ) eða hvernig þjónustan er veitt (legumeðferð, göngudeildarmeðferð, fjarheilbrigðisþjónusta o.fl.) málaflokkum er skipt niður á strauma þar sem ákveðinn sérfræðingur ber ábyrgð á tilteknum straumi og er sérfræðingur í málaflokknum á landsvísu.

Ytri tengsl: Öll sjúkrahús landsins, heilsugæslur, heilbrigðisstofnanir, embætti landlæknis, Heyrnar- og talmeinastöð Íslands, endurhæfingar- og meðferðarstofnanir, starfsstofur sjálfstætt starfandi heilbrigðisstarfsfólks og hjúkrunarheimili.

Skrifstofustjóri er Guðlaug Einarsdóttir.

Skrifstofa fjármála

Meginhlutverk skrifstofunnar er utanumhald og heildaryfirsýn með fjármálum og rekstri. Skrifstofan ber ábyrgð á gerð fjármálaáætlunar og fjárlagavinnu, hefur eftirlit með rekstri stofnana og annast samskipti við þær varðandi fjármál. Ennfremur hefur skrifstofan umsjón með fasteignamálum heilbrigðisstofnana og sjúkrahúsa. Þá eru gagnamál á ábyrgð skrifstofunnar s.s. gagnasöfn og gagnaskrár á heilbrigðissviði, vinnsla greininga og hagmál. 

Ytri tengsl: Alþingi, fjármála- og efnahagsráðuneytið, Fjársýslan, forstöðumenn stofnana, Kjara og mannauðssýslan.

Skrifstofustjóri er Guðmann Ólafsson.

Skrifstofa stjórnsýslu

Meginhlutverk skrifstofunnar er að stuðla að vandaðri stjórnsýslu og annast samskipti við helstu aðila innan stjórnsýslunnar, Alþingi og aðila er heyra þar undir. Þá fer skrifstofan með samningamál og öll samskipti við Sjúkratryggingar Íslands ásamt greiðsluþátttöku. Almannatengsl eru einnig á ábyrgð skrifstofunnar.

Skrifstofan fer jafnframt með gæðamál, jafnréttismál og skjalamál ráðuneytisins.

Skrifstofan fer með málefni mönnunar og menntunar heilbrigðisstarfsfólks, rannsókna- og vísindastarfs, lífsiðfræði og lyfjamála. 

Ytri tengsl: Alþingi, umboðsmaður Alþingis, Ríkisendurskoðun, ríkislögmaður, forstöðumenn stofnana, Sjúkratryggingar Íslands, embætti landlæknis, Persónuvernd, Kjara og mannauðssýslan, Geislavarnir ríkisins, Lyfjastofnun, Vísindasiðanefnd.

Skrifstofustjóri er Sigurður Kári Árnason.