Hoppa yfir valmynd
12. mars 2021 Heilbrigðisráðuneytið, Forsætisráðuneytið

Skýrsla um árangursmat mismunandi aðgerða á landamærum

Hópur vísindafólks við Háskóla Íslands, undir handleiðslu Thors Aspelund, hefur rannsakað áhrif mismunandi sóttvarnaaðgerða á landamærum. Verkefnið var unnið í framhaldi af styrk ríkisstjórnarinnar til rannsókna á áhrifum sóttvarnaaðgerða á þróun COVID-19.

Í skýrslu hópsins eru bornar saman fjórar mismunandi aðgerðir á landamærum og áhrif þeirra metin á fjölda smitaðra ferðamanna sem komast í gegnum eftirlit, fjölda ferðamanna í sóttvarnarhúsi og fjölda innanlandssmita sem berast með smituðum ferðamönnum.

Aðferðirnar fjórar sem bornar voru saman eru:

A. Tvær skimanir á landamærunum, ein í heimalandi ferðamanns og hin á Ísland og PCR vottorðs krafist sem staðfestingu á fyrri skimun.

B. Tvær skimanir, báðar á Íslandi og fimm daga ferðamannasmitgát milli skimana.

C. Ein skimun á landamærunum.

D. Tvær skimanir á landamærunum, báðar á Íslandi og fimm daga sóttkví á milli skimana.

Helstu niðurstöður rannsóknarinnar eru þær að langflestir smitaðir ferðamenn kæmust í gegn miðað við aðferð C en fæstir miðað við aðferðir B og D. Aðferð A kemur hins vegar best út varðandi fjölda ferðamanna i sóttvarnarhúsi. Þá myndu fæst innanlandssmit koma upp vegna smitaðra ferðamanna miðað við aðgerðir D og A.

Frá 1. maí munu aðgerðir í leið A gilda fyrir farþega sem koma til landsins frá gulum og grænum löndum í samræmi við sameiginleg viðmið ESB. Fyrir farþega frá öðrum löndum munu hins vegar núverandi aðgerðir gilda en þær byggja á leið D að viðbættu PCR prófi fyrir brottför.

 

Sóttvarnir vegna COVID-19 á landamærum Íslands. Árangursmat á mismunandi aðgerðum.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira