Hlutverk sendiráðsins er að gæta hagsmuna Íslands á sviði utanríkis- og viðskiptamála og hafa umsjón með samstarfsverkefnum á sviði þróunarsamvinnu og mannúðarmála auk þjónustu við Íslendinga á svæðinu.

Sendiráðið var opnað árið 2004 samkvæmt sérstöku samkomulagi utanríkisráðuneytisins og Þróunarsamvinnustofnunar Íslands (ÞSSÍ). Formleg samskipti og samstarf Íslands og Malaví hófust þó miklu fyrr því fyrsti samningur þjóðanna um þróunarsamvinnu var undirritaður árið 1989. ÞSSÍ starfrækti jafnframt umdæmisskrifstofu í Lilongwe til ársloka 2015.

Stærsti núverandi samstarfssamningurinn (Mangochi Basic Services Programme) er 16,3 milljón BNA dollara stuðningur við grunnþjónustu í Mangochi héraði, frá 2017 til 2023.

• Nánar um þróunarsamvinnu Íslands og Malaví.