Hoppa yfir valmynd
15. maí 2016 Félagsmálaráðuneytið

Endurskoðun stjórnsýslu og eftirlits á sviði félagsþjónustu og barnaverndar

Í maí 2016 skilaði starfshópur þáverandi félags- og húsnæðismálaráðherra tillögum sínum um endurskoðun stjórnsýslu og eftirlits á sviði félagsþjónustu og barnaverndar. Helstu markmið endurskipulagningarinnar eru að styrkja undirstöður heildstæðrar félagsþjónustu ríkis og sveitarfélaga og að skilja með skýrum hætti á milli stjórnunar- og eftirlitshlutans annars vegar og þessa að veita þjónustuna hins vegar.

Megintillaga nefndarinnar er að komið verði á fót stjórnsýslu- og eftirlitsstofnun sem sinni almennum stjórnsýsluverkefnum og eftirliti á sviði félagsþjónustu sveitarfélaga og barnaverndar, málefna fatlaðs fólks, aldraðra og innflytjenda sem og ýmsu öðru, svo sem verkefnum réttindagæslumanna fatlaðs fólks. Stofnunin taki við ýmsum þeim stjórnsýslu- og eftirlitsverkefnum sem þegar er sinnt en jafnframt verði hugað að því að styrkja ýmsa stjórnsýslu- og eftirlitsþætti sem ekki hefur verið sinnt með fullnægjandi hætti til þessa. Jafnframt beri að stefna að því að sameina þjónustuverkefni á framangreindum sviðum í eina stofnun Fjölskyldustofu en með sameiningu þjónustuverkefna gæfist færi á auknu þverfaglegu samstarfi milli mismunandi málaflokka og ná mætti fram betri heildarsýn.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira