Hoppa yfir valmynd

Glókollur - styrkir til verkefna og viðburða á málefnasviðum háskóla-, iðnaðar- og nýsköpunarráðuneytis

Opnað verður fyrir umsóknir í september.

 

Háskóla,- iðnaðar- og nýsköpunarráðuneytið veitir styrki til verkefna og viðburða á málefnasviði ráðherra. Ekki eru veittir styrkir til ríkisstofnana eða sveitarfélaga. Styrkjum er úthlutað samkvæmt reglum sem finna má hér að neðan. Styrkir eru veittir tvisvar á ári (vor og haust) en hægt er að sækja um styrki allt árið. 

Nánari upplýsingar um dagsetningar úthlutana verða birtar síðar.

 

Ekki eru veittir rekstrarstyrkir, styrkir til nefndarsetu eða styrkir til B.A./B.S. eða meistaraprófa. Samkvæmt úthlutunarreglum mun matshópur skipaður af ráðherra meta umsóknir en horft verður til ýmissa þátta við úthlutunina, m.a. hvort verkefnin þyki hafa gildi fyrir starfsemi viðkomandi málaflokks, hvort verkefnið búi yfir sérstöðu eða nýnæmi og hvort markmið og mælikvarðar séu skýrir. Frekari upplýsingar um styrkhæfi, mat á umsóknum og viðmið má finna í úthlutunarreglum. 

Hámarksupphæð styrks sem verkefni getur hlotið er 1.000.000 kr. 

Umsóknum skal skilað rafrænt á eyðublaðavef háskóla-, iðnaðar- og nýsköpunarráðuneytisins, minarsidur.hvin.is.

Eftirtalin gögn skulu fylgja með umsóknum

  • Upplýsingar um umsækjanda eða umsækjendur.
  • Upplýsingar um aðra þátttakendur og/eða samstarfsaðila ef við á.
  • Nafn þess sem annast samskipti við ráðuneytið.
  • Nákvæm lýsing á verkefni, markmiðum þess og þýðingu fyrir umsækjanda og aðra.
  • Lýsing á því hvernig árangur verkefnisins verður metinn. 
  • Tíma- og verkáætlun.
  • Fjárhagsáætlun þar sem m.a. skulu koma fram upplýsingar um áætlaðan kostnað, tekjur, hlutdeild annarra í kostnaði við verkefnið og styrkfé sem verkefnið hefur hlotið eða hefur sótt um.
  • Hvaða styrki verkefnið hefur fengið eða sótt um. 
  • Staðfest gögn frá samstarfsaðilum sem og önnur gögn til stuðnings umsóknar.

Umsóknarform má nálgast á minarsidur.hvin.is

Reglur Glókolls 

Nánari upplýsingar veitir:

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira