Hoppa yfir valmynd

Um sendiskrifstofu

Árið 1999 var opnuð aðalræðisskrifstofa í Winnipeg með útsendum diplómat. Frá 1942 og fram að þeim tíma var starfandi íslenskur heiðurskonsúll í Winnipeg.

Eftirfarandi hafa gegnt starfi aðalræðismanns í Winnipeg. Svavar Gestsson, sendiherra 1999-2001, Eiður Guðnason, sendiherra 2001-2003, Kornelíus Sigmundsson, sendiherra 2003-2004, Atli Ásmundsson, aðalræðismaður 2004-2013, Hjálmar W. Hannesson sendiherra frá 2013-2016, Þórður Bjarni Guðjónsson, aðalræðismaður 2016-2020, Guðmundur Árni Stefánsson, sendiherra 2020-2021 og Vilhjálmur Wiium, aðalræðismaður frá 2022. Meginverkefni aðalræðisskrifstofunnar snúa að samfélagi fólks af íslenskum ættum, en fjölmennastir eru þeir í Manitoba og fylkjunum fyrir vestan, Saskatchewan, Alberta og British Columbia. Skrifstofan greiðir fyrir menningaratburðum, listum og fræðum og öðru sem má verða til að hjálpa áhugasömu fólki til að leggja rækt við sögu sína og menningararf.

Á hverju ári koma listamenn, fræðimenn og aðrir til að miðla þakklátum áheyrendum af þekkingu sinni og list.

Ræðisskrifstofan aðstoðar íslenska ríkisborgara og fyrirtæki í samskiptum við fyrirtæki og yfirvöld og dreifir upplýsingum og fróðleik um Ísland ásamt því að taka þátt í kynningum allskonar sem koma landi og þjóð til góða.

Aðalræðisskrifstofa Íslands í Winnipeg

Heimilisfang

1 Wellington Crescent, suite 100
Winnipeg, Manitoba R3M 3Z2

Sími: +1 (204) 284 1535

Netfang 

winnipeg[hjá]utn.is

Afgreiðsla virka daga frá kl. 09:00 - 16:00

Aðalræðisskrifstofa Íslands í WinnipegFacebook hlekkur

Aðalræðismaður

Vilhjálmur Wiium



Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Veldu tungumál

Vefurinn notar vefkökur til að bæta upplifun notenda og greina umferð um vefinn. Lesa meira