Hoppa yfir valmynd

Þjónusta við Íslendinga

Almennar upplýsingar um dvöl í Svíþjóð

Sendiráð Íslands í Stokkhólmi leggur lið bæði þeim Íslendingum sem búsettir eru í umdæmislöndum sendiráðsins, námsmönnum og ferðamönnum. Aðstoð sendiráðsins getur verið með ýmsum hætti. Algengast er að fólk leiti til sendiráðsins vegna útgáfu vegabréfa, neyðarvegabréfa, ökuskírteina o.þ.h.

Það skal tekið fram að sendiráðið veitir ekki fjárhagsaðstoð af nokkru tagi.

Helstu upplýsingar um Svíþjóð má finna á http://www.sweden.se/

Ef þú ert að íhuga að flytja til Svíþjóðar er að mörgu að hyggja. Norræna upplýsingaþjónustan Halló Norðurlönd veitir góð ráð þeim sem eru að flytja á milli Norðurlandanna og öllum er ráðlagt að kynna sér þær upplýsingar vel. Þar er að finna upplýsingar um kennitöluskráningu, húsnæðismál, leikskóla- og skólamál, bankamál, almannatryggingar og fleira. 

Börn af íslenskum uppruna sem búsett eru í Svíþjóð eiga rétt á móðurmálskennslu með því skilyrði að annað eða báðir foreldrar tali íslensku sem móðurmál, barnið hafi grunnþekkingu á íslensku og tali íslensku á heimili sínu, og að hæfur kennari sé til staðar. Móðurmálskennslan er greidd af sveitarfélaginu sem fjölskyldan býr í.

Þegar barn er komið á skólaaldur eiga foreldrar að fá heim umsóknareyðublað sem fylla skal út, ef óskað er eftir móðurmálskennslu. Eyðublaðinu er skilað til skólans sem kemur því til viðeigandi yfirvalda í sveitarfélaginu. Í Stokkhólmsléni er það Språkcentrum (www.stockholm.se/sprakcentrum) sem skipuleggur kennsluna, en í öðrum sveitarfélögum er það skrifstofa sveitarfélags sem gerir það.

Í sænskum lögum um grunnskóla (Grundskoleförordning – 1994:1194, 9 § - 14 §) má lesa nánar um rétt til móðurmálskennslu í grunnskóla (sjá www.notisum.se/). Þar kemur fram í 2. mgr. 13. gr. að sveitarfélagi sé skylt að skipuleggja móðurmálskennslu ef sótt er um það fyrir minnst 5 nemendur í senn. Innan Stokkhólmsléns hefur verið horft framhjá þessari reglu, en sendiráðið hefur haft spurnir af því að sveitarfélög annars staðar í Svíþjóð hafa hafnað umsóknum um móðurmálskennslu m.a. vegna þess að þeim sé ekki skylt að verða við þeim nema áðurnefndu lágmarki sé náð.

Dagmar Gústafsdóttir er íslenskukennari starfandi í Stokkhólmi. Hægt er að hafa samband við Dagmar með tölvupósti [email protected]

Hellen Condit er íslenskukennari starfandi í Stokkhólmi. Hægt er að hafa samband við Helen í s. 073 550 19 538 eða með tölvupósti [email protected]

Kristín Pálsdóttir starfar sem kennari í íslensku fyrir börn í Gautaborg. Hægt er að hafa samband við Kristínu í s. 070 230 06 76 eða með tölvupósti [email protected]

Hildur Pálsdóttir Carlsrud starfar sem kennari í íslensku fyrir börn í Örebro. Hægt er að hafa samband við Hildi í s. 019-7641234/070-3107474 eða með tölvupósti [email protected]

Það er einnig velkomið að hafa samband við Íslendingafélagið í Stokkhólmi ([email protected]) eða sendiráðið til að fá upplýsingar um móðurmálskennsluna.

Íslenskur ríkisborgararéttur

Útlendingastofnun á Íslandi sinnir móttöku umsókn um íslenskan ríkisborgararétt, hvort sem umsókn á að afgreiðast af innanríkisráðuneyti eða Alþingi. Nánari upplýsingar um íslenskan ríkisborgararétt má finna á heimasíðu Útlendingastofnunar.

Lög um íslenska ríkisborgararétt

Ríkisborgararéttur í Svíþjóð

Upplýsingar um tvöfaldan ríkisborgararétt og ríkisborgararétt í Svíþjóð má finna hér

Umsóknir um endurnýjun ökuskírteinis

Þeir sem eiga lögheimili á Íslandi geta sótt um endurnýjun á íslensku ökuskírteini í sendiráðinu í Stokkhólmi.

Þeir sem eiga lögheimili í Svíþjóð geta ekki sótt um endurnýjun á íslensku ökuskírteini en geta þó sótt um að fá sænskt ökuskírteini þess í stað. Séu ökuréttindi viðkomandi á Íslandi enn í gildi þarf viðkomandi ekki að taka próf til að öðlast sænskt ökuskírteini. Nánari upplýsingar veitir Transportstyrelsen.

Vinsamlegast pantið tíma hjá sendiráðinu fyrirfram í síma 08 442 8300.

Umsókninni þarf að fylgja svokallað kennispjald sem útvega þarf frá Ríkislögreglustjóra. Best er að hringja fyrirfram, gefa upp nafn og íslenska kennitölu og biðja sendiráðið að útvega kennispjaldið. Fylla þarf út umsókn í sendiráðinu, koma með eina passamynd og greiða með reiðufé eða greiðslukortiSé umsækjandi með meirapróf, þarf viðkomandi að sækja sér læknisvottorð hjá sínum heimilislækni áður en komið er í sendiráðið að sækja um nýtt ökuskirteini. 

Nánari upplýsingar um endurnýjun ökuskírteinis má finna á heimasíðu Sýslumanna.

Íslensk ökuskírteini eru gild í Svíþjóð.

Gjaldskrá ökuskírteina Afhending 18-66 ára Aðrir
Ökuskírteini 3-5 vikur SEK 460 SEK 130

Próftaka í sendiráði

Íslenskum námsmönnum er heimilt að taka próf frá íslenskum menntastofnunum í sendiráðinu á virkum dögum. Menntastofnun skal senda beiðni um próftöku á netfang sendiráðsins [email protected] og gera grein fyrir nemanda, námsgrein og dagsetningu prófs. Frekari upplýsingar og leiðbeiningar fást hjá sendiráðinu með því að senda póst á [email protected]

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Veldu tungumál

Veldu tungumál

Þessi síða notar vafrakökur Lesa meira