Hoppa yfir valmynd

Skipulag

Norræna ráðherranefndin skiptist í alls 11 ráðherraráð og eitt tímabundið ráð (um stafræna væðingu sem fjármálaráðherra situr í fyrir hönd Íslands). Undir hverju ráðherraráði starfar embættismannanefnd sem undirbýr fundi ráðherranna. Á vegum hvers ráðherraráðs starfa eftir atvikum aðrar embættismannanefndir eða sérfræðingahópar sem fjalla um einstök málefni og viðfangsefni. Starfsfólk skrifstofu Norrænu ráðherranefndarinnar þjónar svo og starfar með hverju ráðherraráði og embættismannanefnd, og þeim norrænu stofnunum sem heyra undir einstök ráðherraráð.

Starf Norrænu ráðherranefndarinnar tekur mið af nokkrum stefnumótandi skjölum og samþykktum þ.m.t. framtíðarsýninni „Saman erum við sterkari“ (2014), þverlægum áherslum á jafnrétti, málefni barna og unglinga, og sjálfbæra þróun, auk þess að stýrast af ákvörðunum norrænna forsætisráðherra s.s. um að Norðurlöndin eigi að vera samþættasta svæði heims.

Samstarfsráðherra Norðurlanda stýrir og samræmir starf Íslands innan Norrænu ráðherranefndarinnar, í umboði forsætisráðherra, og hefur umsjón með fjárveitingum. Norðurlandaskrifstofa utanríkisráðuneytisins samræmir starf fulltrúa Íslands í embættismannanefndum Norrænu ráðherranefndarinnar, og stýrir undirbúningi og framkvæmd verkefna á formennskuári.

Norræna húsið og Norræna eldfjallamiðstöðin í Reykjavík eru fjármögnuð af Norrænu ráðherranefndinni, sem og upplýsingaskrifstofan Halló Norðurlönd sem rekin er af Norræna félaginu.

Íslandsdeild Norðurlandaráðs, sem í sitja þeir sjö þingmenn sem sitja í Norðurlandaráði, eru n.k. gagnaðili samstarfsráðherra Norðurlanda.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira