Hoppa yfir valmynd
28. júní 2022 Dómsmálaráðuneytið

Dómsmálaráðherrar vilja auka norrænt samstarf gegn netglæpum

Norrænir dómsmálaráðherrar - mynd

Jón Gunnarsson sat nýlega fund norrænna dómsmálaráðherra sem haldinn var í Finnskogen í Noregi. Norðmenn fara um þessar mundir með formennsku í Norrænu ráðherranefndinni en Ísland tekur við formennsku á næsta ári. Samskonar fundur dómsmálaráðherra verður þá haldinn á Íslandi.

Umræðuefni ráðherrafundarins að þessu sinni voru netglæpir, kynferðisbrot, skipulögð brotastarfsemi og glæpagengi. Samþykkt var að skoða hvernig auka mætti samstarf Norðurlandanna gegn netglæpum.

Norræna ráðherranefndin er samstarfsvettvangur norrænu ríkisstjórnanna. Norræna ráðherranefndin vinnur að sameiginlegum lausnum á þeim sviðum þar sem Norðurlöndin geta náð betri árangri með því að vinna saman en með því að leysa verkefnin hvert í sínu lagi.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira